اگەنتتىك تاراتقان اقپاراتقا سايكەس, شىعىس قازاقستان وبلىسىنىڭ سىبايلاس جەمقورلىققا قارسى قىزمەتى سوتقا دەيىنگى تەرگەۋ بارىسىندا اسا ءىرى كولەمدە بيۋدجەت قاراجاتىن جىمقىرۋ فاكتىلەرى بويىنشا قر قىلمىستىق-پروتسەسسۋالدىق ءىس جۇرگىزۋ كودەكسىنىڭ 128-بابىنا سايكەس مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتى توراعاسىنىڭ بۇرىنعى جانە قازىرگى ورىنباسارىن ۇستاپ, وسكەمەن قالاسىنداعى ۋاقىتشا ۇستاۋ يزولياتورىنا قاماعان.
ۇستالعانداردىڭ بىرەۋىنە قاتىستى سوت 2 اي مەرزىمگە «قاماۋعا الۋ» تۇرىندەگى بۇلتارتپاۋ شاراسىن سانكتسيالادى.
ولار ريددەر قالاسىنداعى «رەسپۋبليكالىق مامانداندىرىلعان وليمپيادالىق رەزەرۆتىك مەكتەپ-ينتەرناتى» رمم-ءنىڭ 300 ورىنعا ارنالاعان وقۋ كورپۋسى» قۇرىلىس وبەكتىسىن سالۋ كەزىندە ءىس جۇزىندە ورىندالماعان جۇمىس ءۇشىن مەردىگەردىڭ شوتىنا 380,8 ملن تەڭگە سوماسىندا بيۋدجەت قاراجاتىن اۋدارۋ ارقىلى جىمقىردى دەگەن كۇدىككە ءىلىندى.
قازىرگى ۋاقىتتا اتالعان فاكتىلەر بويىنشا سوتقا دەيىنگى تەرگەۋ جۇرگىزىلىپ جاتىر, تەرگەۋ مۇددەلەرى ءۇشىن باسقا اقپارات جاريا ەتىلمەيدى.
كۇدىكتىلەرگە قاتىستى تۇپكىلىكتى شەشىمدى ولاردىڭ كىناسىنىڭ دارەجەسىن انىقتاي وتىرىپ, سوت شەشەدى.
