شىعارماشىلىق بايقاۋعا ەلىمىزدىڭ بارلىق وبلىستارىنان قاتىسۋشىلار نيەت ءبىلدىرىپ, شىعارمالارىن جولداعان. جالپى بايقاۋعا 87 جاس قالامگەر قاتىسىپ, توپتان جارىپ شىققان ۇزدىكتەر مەن جۇيرىكتەر انىقتالدى.
قۇرامىندا ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى, فيلولوگيا عىلىمدارىنىڭ دوكتورى سەيدۋللا سادىقوۆ, حالىقارالىق «شابىت» فەستيۆالىنىڭ لاۋرەاتى, اقىن الىبەك شەگەباي, جاس اقىن مۇقاعالي كەنجەتاي جانە تۇركىستان وبلىسى قوعامدىق دامۋ باسقارماسىنىڭ «جاستار رەسۋرستىق ورتالىعى» كمم-ءى باسشىسى امالبەك ءومىرتاي بار ادىلقازىلار القاسىنىڭ شەشىمىمەن كوركەم شىعارما باعىتى بويىنشا 1 ورىندى تۇركىستان قالاسىنان ءاماليات ارقالىق جەڭىپ الدى.
وسى اتالىمدا 2 ورىنعا وتىرار اۋدانىنان اياۋلىم جاقسىبەك يە بولسا, 3 ورىندى قازىعۇرت اۋدانىنان جامال جۇرسىنبەك قاناعات تۇتتى. ال, كوركەم ولەڭ باعىتى بويىنشا 1 ورىندى تۇركىستان قالاسىنان توپ جارعان داۋرەن تلەۋحان يەمدەنسە, 2 ورىندى تۇركىستاندىق ەلامان تولەۋتاي, 3 ورىندى شىعىس قازاقستان وبلىسىنان رىسگۇل دوسجان الدى.
سونداي-اق, ەسسە جازۋ باعىتى بويىنشا 1 ورىنعا شىمكەنت قالاسىنان انارباي جامال يە بولدى, 2 ورىنعا شىمكەنتتىك ەربولات اينابەكوۆ, 3 ورىنعا اقتوبە وبلىسىنان دارحان مەندولين لايىقتى دەپ تانىلدى.
بايقاۋ جەڭىمپازدارى وبلىستىق «جاستار رەسۋرستىق ورتالىعىنىڭ» ارنايى سىيلىقتارىمەن جانە العىس حاتتارىمەن ونلاين ماراپاتتالدى.
تۇركىستان وبلىسى
