ايماقتار • 27 مامىر، 2020

ساياسي قۋعىن-سۇرگىن قۇرباندارىن ەسكە الۋعا ارنالعان ونلاين-ءدارىس ءوتتى

28 رەت كورسەتىلدى

قوستاناي وبلىسىندا بۇگىننەن باستاپ ءۇش كۇن بويى ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان ونلاين-دارىستەر وتە باستادى. 

العاشقى ءدارىستى ا. بايتۇرسىن ۇلى اتىنداعى قوستاناي مەملەكەتتىك ۋنيۆەرسيتەتى فيلوسوفيا جانە قازاقستان تاريحى كافەدراسىنىڭ دوتسەنتى، تاريح عىلىمدارىنىڭ كانديداتى سەرىكجان ىسمايىلوۆ وقىدى.

عالىم ساياسي-قۋعىن سۇرگىننىڭ سەبەپ-سالدارلارىنا توقتالدى. سونداي-اق، ارحيۆتەردەن الىنعان تىڭ دەرەكتەرگە سۇيەنە وتىرىپ، قۋعىن-سۇرگىنگە ۇشىراعان قوستانايلىقتاردىڭ تاريحى تۋرالى اسەرلى اڭگىمە ءوربىتتى. شاراعا  وبلىستىڭ ىشكى ساياسات بولىمدەرىنىڭ ماماندارى، ۇكىمەتتىك ەمەس ۇيىمدار، ازاماتتىق قوعام وكىلدەرى، مادەنيەت جانە ءبىلىم سالاسىنىڭ قىزمەتكەرلەرى، وبلىس تۇرعىندارى قاتىستى.

28 مامىر كۇنى وبلىستىق تاريحي-ولكەتانۋ مۇراجايىندا پەداگوگيكا عىلىمدارىنىڭ دوكتورى ريمما بەكتۇرعانوۆا «حالىق جاۋلارىنىڭ رەپرەسسياعا ۇشىراعان ايەلدەرى: احمەت بايتۇرسىنوۆتىڭ ايەلى - بادريسافا» تاقىرىبىندا ءدارىس وقيدى. ونلاين-ءدارىس ماماىردىڭ 29-نا دەيىن جالعاسادى.

 

قوستاناي وبلىسى

سوڭعى جاڭالىقتار

ۇقساس جاڭالىقتار