ايماقتار • 27 مامىر، 2020

شىعىس قازاقستان: تارباعاتايدا كاسىپكەرلەر ءۇي سالادى

368 رەت كورسەتىلدى

جوسپار بويىنشا اقسۋاتتان – 50، اقجاردان – 50 باسپانا سالۋدى مەجەلەپ وتىرمىز.

تارباعاتاي اۋدانىنىڭ اقسۋات جانە اقجار اۋىلدارىندا مەملەكەتتىك-جەكەمەنشىك سەرىكتەستىك اياسىندا باسپانالار سالىنباق.

ا

العاشقى ۇيلەردىڭ قۇرىلىسىن ءساۋىر ايىنىڭ سوڭىندا اقجار اۋىلىندا جەرگىلىكتى كاسىپكەر قايرات قوجاحمەتوۆ باستاپ كەتكەن بولاتىن. «جالپى اۋماعى 100 شارشى مەتر بولاتىن ۇيلەردىڭ قابىرعاسى گازوبلوكتان تۇرعىزىلۋدا. جارىق باعاندارى، كارىز جۇيەسى، اۋىزسۋ ىرگەسىنە كەلىپ تۇر. ازىرگە 10 ۇيگە كەلىسىم-شارت جاسالادى. ياعني، كاسىپكەر سالعان ۇيلەر بيۋدجەت ەسەبىنەن ساتىپ الىنادى. باسپانالار كەزەكتە تۇرعان كوپبالالى وتباسىلارعا بەرىلەدى. جوسپار بويىنشا اقسۋاتتان – 50، اقجاردان – 50 باسپانا سالۋدى مەجەلەپ وتىرمىز» دەپ جازعان-دى سول كەزدە تارباعاتاي اۋدانىنىڭ اكىمى سەرىكقازى سادۋاقاسوۆ ءوزىنىڭ فەيسبۋكتەگى پاراقشاسىندا.

ك

ەندى مىنە يگى ءىس جالعاسىن تاۋىپ، تارباعاتايلىق دۋلات تاستەكەەۆ، اسەت مۇفتيەۆ، دارحان شوتاباەۆ سىندى كاسىپكەرلەر ارقايسىسى 10-نان جيىنى 30 ءۇي (قوس پاتەرلى) سالامىز دەپ ۋادە بەرىپتى. بۇگىن اقسۋاتتاعى «ەت كومبيناتى» اتالاتىن ىقشام اۋدانىندا جەر ۋچاسكەلەرى ولشەنىپ، قازىقتارى قاعىلىپتى.

ەسكەرتە كەتەيىك، اقسۋات پەن اقجاردا ۇيلەر سالۋ ماسەلەسى بيىل وبلىس اكىمى دانيال احمەتوۆ اقجار اۋىلىنا بارىپ، شەكارالىق ايماقتاردى دامىتۋ جونىندە جيىن وتكىزگەن كەزدە تۇرعىندار تاراپىنان كوتەرىلگەن بولاتىن.

 شىعىس قازاقستان وبلىسى،

تارباعاتاي اۋدانى

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار