ورتالىق ازيادا قارتايۋعا بەت العان مەملەكەتتەر, ازىرگە ءبىزدىڭ ەلمەن شەكتەلىپ تۇر. ال كورشى وزبەكستان مەن قىرعىزستان كەرىسىنشە حالقى جاس مەملەكەتتەردىڭ ساناتىندا تۇر ەكەن.
2009 جىلعى ساناق بويىنشا قازاقستاندا 65 جاستان اسقاندار حالىق سانىنىڭ 7,1% قۇراعان. بۇل كورسەتكىش رەسەيدە 12%. ال بالا تۋ كورسەتكىشى اسا جوعارى وزبەكستان, تاجىكستان ەلدەرىندە جاسارۋ ءجۇرىپ جاتىر.
«الداعى وتىز جىلدا قارت ادامدار سانى ەداۋىر ارتادى. بۇل اسىرەسە كەلەسى ونجىلدىقتا تەز وسەدى - جىلىنا ورتاشا ەسەپپەن 4-5%.
بولجامنىڭ ورتاشا نۇسقاسىنا سايكەس, 65 جاستان اسقان ادامدار سانى 2050 جىلعا قاراي 2019 جىلعا قاراعاندا شامامەن 2 ەسە ارتىپ, 1,4 ميلليوننان 3,4 ميلليون ادامعا دەيىن جەتەدى» دەيدى بۇۇ تاراتقان مالىمەتتە.
ماماندار ەگەر بۇۇ ماماندارى بولجاپ وتىرعانداي 2050 جىلى ەلىمىزدە قارتتاردىڭ كورسەتكىشى 25 پايىزعا جەتسە وندا بۇعان شىنىمەن الاڭداۋىمىز كەرەك ەكەنىن ايتىپ جاتىر.
قارتتىق دەڭگەيىنىڭ ءوسۋى مەملەكەتىمىزدە ەڭبەككە قابىلەتتى ادامداردىڭ كورسەتكىشىنىڭ تومەندەۋىنە اپارىپ سوعادى.
