نۇرلان نوعاەۆتىڭ ايتۋىنشا, وپەك+ كەلىسىمىنە قاتىسۋ سۇرانىس پەن ۇسىنىس تەڭگەرىمىن قالپىنا كەلتىرۋگە جانە دە مۇناي باعاسىن قالپىنا كەلتىرۋگە باعىتتالعان. قويمالارداعى مۇنايدىڭ تولىپ كەتۋ قاۋپىن بولدىرماۋ ءۇشىن ەنەرگەتيكا مينيسترلىگى ورتا, ءىرى جانە وتە ءىرى كەن ورىندارىندا ءوندىرۋدى شەكتەۋ تۋرالى شەشىم قابىلدادى. كەن ورىندارىنىڭ بارلىق تۇرلەرى ءۇشىن مۇناي ءوندىرۋدى ازايتۋ جونىندەگى مىندەتتەمەلەردى ءادىل ءبولۋ كوزدەلگەن بولاتىن.
- ەگەر ءبىز مۇناي ءوندىرۋدى قىسقارتپاعان جاعدايدا, 2020 جىلدىڭ ەكىنشى توقسانىندا مۇناي ساقتاۋ ورىندارىنىڭ تولىپ كەتۋىنە, كەيبىر كەن ورىندارىندا مۇناي ءوندىرۋدىڭ توقتاپ قالۋىنا اكەلۋى مۇمكىن ەدى, - دەدى نوعاەۆ. مامىلەگە قاتىسۋدىڭ ارقاسىندا نارىقتىڭ بارلىق قاتىسۋشىلارى مۇناي ءوندىرۋدىڭ باقىلانۋىنا جانە بىرتىندەپ تومەندەۋىنە قول جەتكىزدى. ءبىز كەيبىر كەن ورىندارىندا ءوندىرۋدى تولىق توقتاتپاي, بارىنشا اۋىرتپالىقسىز قىسقارتۋ جۇرگىزدىك.
2020 جىلدىڭ مامىر-ماۋسىم ايلارىندا وپەك+ كەلىسىمىنە قاتىسۋشى ەلدەر مۇناي ءوندىرۋدى تاۋلىگىنە 9,7 ملن باررەلگە قىسقارتۋدى جوسپارلاپ وتىر. قازاقستان تاۋلىگىنە 390 مىڭ باررەلگە ءوندىرۋدى قىسقارتۋ مىندەتىن ءوز موينىنا الدى.
قازاقستانداعى ورتاشا تاۋلىكتىك مۇناي ءوندىرۋ (كوندەنساتسىز) 25 مامىرداعى جاعداي بويىنشا 177,8 مىڭ توننا مۇنايدى قۇرايدى, بۇل وپەك+ مامىلەسىنىڭ مىندەتتەمەلەرىن ورىنداعانىن كورسەتەدى.
