بولات باقاۋوۆتىڭ قىلمىستىق جولمەن نەمەسە قىلمىستىق جولمەن يەمدەنگەن قاراجاتقا ساتىپ العان مۇلكىنىڭ جوقتىعىنا بايلانىستى وعان مۇلكىن تاركىلەۋ قوسىمشا جازاسى تاعايىندالعان جوق.
جوعارعى سوتتىڭ 7.07.2016 جىلعى №4 نورماتيۆتىك قاۋلىسىنىڭ 14-تارماعىنا سايكەس, پروتسەسسۋالدىق كەلىسىمگە كەلۋ ءۇشىن كۇدىكتىنىڭ كىناسىن مويىنداۋى مىندەت ەمەس. ونىڭ كۇدىك پەن ىسكە قاتىستى ايعاقتاردى جوققا شىعارماعانى جەتكىلىكتى. ء«ۇي قاماعى» بۇلتارتپاۋ شاراسى الىنىپ تاستالدى. وعان دەيىن بولات باقاۋوۆقا قر قك 362-بابى, 4-ءبولىمىنىڭ, 3-تارماعىنا سايكەس ايىپ تاعىلعان ەدى (بيلىكتى نەمەسە لاۋازىمدىق وكىلەتتىكتەردى اسىرا پايدالانۋدى, لاۋازىمدى ادام بولا تۇرا, ءوزىنىڭ قۇقىقتارى مەن وكىلەتتىكتەرىنىڭ شەگىنەن انىق شىعاتىن جانە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋدى, باسقا ادامدارعا پايدا مەن ارتىقشىلىقتار الۋ جانە ۇيىمدارعا زيان كەلتىرۋ ماقساتىندا جاسالعان ءىس-ارەكەتتەر).
وعان بايلانىستى م ۇلىكتى تاركىلەۋمەن بىرگە بەس جىلدان ون جىلعا دەيىن باس بوستاندىعىنان ايىرۋ سانكتسيالارى كوزدەلگەن بولاتىن.
