«اۋىل مەن قالا اراسىنداعى الشاقتىق ماڭىزدى ماسەلە بولىپ وتىر. PISA-نىڭ سوڭعى كورسەتكىشتەرىن قارايتىن بولساق, ورتا ەسەپپەن بىزدە قازاقستان بويىنشا 1,5 جىل. ءبىز قالا مەن اۋىل جانە وڭىرلەر اراسىنداعى الشاقتىق ماسەلەسىن شەشۋگە ءتيىستى جۇمىستار جۇرگىزىپ جاتىرمىز», دەدى اسحات ايماعامبەتوۆ.
ونىڭ ايتۋىنشا, پروبلەمانىڭ نەگىزگى سەبەپتەرىنىڭ ءبىرى – مۇعالىمدەردىڭ جەتىسپەۋشىلىگى. اسىرەسە اۋىلدىق جەرلەردە مۇعالىمدەر جەتىسپەيدى.
«اۋىل مەكتەپتەرىندە بالا از بولعاندىقتان ساعات تا از. ال ساعات از بولعان سوڭ, بىلىكتى مۇعالىمدەر وندا بارمايدى. بىزدە ءبىر ستاۆكا الۋ ءۇشىن مۇعالىمدەر 18 ساعات جۇمىس ىستەۋى كەرەك. بالا از بولعان سوڭ, ساعات جەتىسپەيدى. سوندىقتان بۇل قازىر وتە كۇردەلى ماسەلە بولىپ وتىر», دەدى مينيستر.
