ءىىم 25 مامىردا الماتى وبلىسىنداعى بلوك-بەكەتتە بولعان قايعىلى وقيعانىڭ سەبەپ-سالدارىن انىقتادى. وسى وقيعادا ەكى پوليتسيا قىزمەتكەرى قازا تاپقان بولاتىن.تەكسەرىس كەزىندە جەكە قۇرام اراسىندا الدىن الۋ جۇمىستارىن جۇرگىزۋدە ولقىلىقتار بولعانى انىقتالدى. ءتارتىپ بۇزعان قىزمەتكەرلەرگە قاتىستى دەر كەزىندە ءتيىستى شارالار قولدانىلماعان.
سونىمەن قاتار, باق-قا اقپاراتتى بۇرمالاپ ۇسىنۋ فاكتىلەرىنە باعا بەرىلدى. قىزمەتتىك تەكسەرۋ قورىتىندىسى بويىنشا ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن باسشىلىق قىزمەتتە جۇرگەن توعىز پوليتسەيگە قاتىستى تارتىپتىك جازالاۋ شاراسى قابىلداندى.
–الماتى قالاسى پد پاترۋلدىك پوليتسيا پولكى كومانديرىنىڭ ورىنباسارى پوليتسيا پودپولكوۆنيگى ق.ە. ساتاەۆ; – الماتى قالاسى پد كادر ساياساتى باسقارماسىنىڭ باسشىسى پوليتسيا پولكوۆنيگى و. س. مىرزابەكوۆ; – الماتى قالاسى پد جەكە قۇرام بويىنشا ينسپەكتسيا باسشىسى پوليتسيا پودپولكوۆنيگى ا.و. اقىلبەكوۆ اتقارىپ جۇرگەن لاۋازىمدارىنان بوساتىلدى. – الماتى قالاسى پد جەرگىلىكتى پوليتسيا قىزمەتىنىڭ باسشىسى پوليتسيا پولكوۆنيگى م. ا. ساتتاروۆقا (بۇرىن پولك كومانديرى قىزمەتىن اتقارعان); – الماتى قالاسى وزىندىك قاۋىپسىزدىك باسقارماسىنىڭ باسشىسى پوليتسيا پودپولكوۆنيگى س.و. كوكىرەكباەۆقا; – الماتى قالاسى پد باسشىسىنىڭ ورىنباسارى پوليتسيا پولكوۆنيگى ا.ا. ناشاربەكوۆكە قىزمەتىنە تولىق سايكەس ەمەستىگى ەسكەرتىلدى. – الماتى قالاسى پد باسشىسىنىڭ ءبىرىنشى ورىنباسارى پوليتسيا پولكوۆنيگى ن. س الماسبەكوۆكە, الماتى قالاسى پد-ءنىڭ ءبولىم باسشىسى پوليتسيا پودپولكوۆنيگى س.ك. ازىربەككە قاتاڭ سوگىس جاريالاندى.
الماتى قالاسى پوليتسيا دەپارتامەنتىنىڭ باسشىسى ق.د.تايمەردەنوۆكە سەنىپ تاپسىرىلعان بولىمشەنىڭ قىزمەتىن ۇيىمداستىرۋداعى كەمشىلىكتەرى ءۇشىن قاتاڭ سوگىس جاريالاندى.
ء–اربىر باسشى ءوزىنىڭ قاراماعىنداعىلارعا جاۋاپتى. ول جەكە قۇرام اراسىندا ءتارتىپ پەن زاڭدىلىقتى ساقتاۋدى قامتاماسىز ەتەدى. بۇل جۇمىس الماتى قالاسىنىڭ پوليتسيا دەپارتامەنتىندە ءتيىستى دەڭگەيدە ۇيىمداستىرىلماعان. ناتيجەسىندە ءبىز بىردەن ەكى قىزمەتكەردەن ايىرىلىپ قالدىق, ءبىر قىزمەتكەر اۋىر دەنە جاراقاتىن الدى. ءبىزدىڭ بارلىعىمىز ءۇشىن, اسىرەسە, تۋعان-تۋىسقاندارىمىز ءۇشىن بۇل – ۇلكەن قايعى-قاسىرەت جانە ورنى تولماس قازا. سوندىقتان بۇل توتەنشە جاعدايعا جول بەرگەن باسشىلارعا ءتيىستى شارالار قابىلداندى. ءىىم باسشىلىعى الداعى ۋاقىتتا دا قىزمەتتىك ءتارتىپتى ساقتاۋدى قاتاڭ تالاپ ەتىپ, پوليتسيا قىزمەتكەرلەرىنىڭ كەز كەلگەن ءتارتىپ بۇزۋشىلىعىنا ءپرينتسيپتى باعا بەرىپ, جاڭا جاعدايدا جۇمى ىستەگىسى كەلمەيتىن نەمەسە جۇمىس ىستەي المايتىن ادامداردان ءوز قاتارىن تازالايتىن بولادى, – دەپ اتاپ ءوتتى ىشكى ىستەر ءمينيسترى ەرلان تۇرعىمباەۆ.
