«قازىرگى كۇندە حالىقارالىق جانە وتاندىق ساراپشىلاردىڭ پىكىرىنشە, پاندەميا اياقتالعان جوق. سەبەبى, تولقىندى جاعدايمەن كەلە جاتىر. كارانتيندىك جاعدايدا تومەن تۇسەدى, بىراق شەكتەۋ شارالارىن توقتاتساق قايتالانادى. بۇل تەك قازاقستاندا عانا ەمەس, بۇكىل دۇنيەجۇزىندە قاۋىپتى جاعداي. ونى ءبارىمىز دۇرىس ءتۇسىنۋىمىز قاجەت. وسىنداي دۇنيەجۇزىندەگى پاندەميانى توقتاتۋ ءۇشىن ءار مەملەكەت, ءار ازامات كارانتيندىك-سانيتارلىق شارالاردى ەنگىزۋى جانە ساقتاۋى قاجەت. بىرىنشىدەن, ءار ادام باسقا ادامنان 2 مەتر الەۋمەتتىك قاشىقتىقتى ساقتاۋى قاجەت», - دەدى مينيستر.
ءمينيستردىڭ ايتۋىنشا, جۇمىس ورنىندا جانە سىرتقا شىققاندا ارامىزداعى قاشىقتىقتى ساقتاۋىمىز قاجەت. سونداي-اق ەپيدەميانى توقتاتۋ ءۇشىن قازىرگى ۋاقىتتا ماسكا تاعۋ وتە ماڭىزدى. ودان كەيىن جەكە گيگيەنا. تەك قانا اۋامەن ەمەس, قول ارقىلى دا جۇعىۋى مۇمكىن. قول جۋ دا وتە ماڭىزدى ماسەلە بولىپ تۇر.
