جوبالىق قۇنى 11 ميلليارد تەڭگە ينۆەستيتسيا جۇمسالعان كاسىپورىننىڭ قۋاتتىلىعى جىلىنا 6 ميلليون شارشى مەتر كىلەمدى قۇرايدى. 300 ادامدى تۇراقتى جۇمىسپەن قامتاماسىز ەتەتىن زاۋىت پوليپروپيلەندى جىپتەردى دە شىعارادى. بۇگىندە قازاقستان كىلەمدەرى گەرمانيا, رەسەي, قىرعىزستان جانە تاجىكستانعا ەكسپورتتالادى. «بال تەكستيل» كىلەمدەرى ساپا جاعىنان بەلگيا جانە گەرمانيا ەلدەرىنىڭ ونىمدەرىنەن كەم تۇسپەيدى.
بۇدان بولەك, اكىم جالپى ينۆەستيتسيا قۇنى 1 ميلليارد 800 ميلليون تەڭگەنى قۇرايتىن «الەم بت» جشس قازاقستاندىق ش ۇلىق-توقىما زاۋىتىنا باردى. كاسىپورىن قۋاتتىلىعى جىلىنا 20 ميلليون جۇپ ءونىمدى قۇرايدى. ەرلەر, ايەلدەر مەن بالالارعا ارنالعان 200-دەن استام ش ۇلىق ونىمدەرىنىڭ اسسورتيمەنتىن شىعارادى. ىسكە قوسىلعان ساتتەن باستاپ «الەم بت» وتاندىق فابريكا ونىمدەرى قازاقستاندىق تۇتىنۋشىلاردىڭ سەنىمىنە يە بولدى.
سونىمەن قاتار, مۇرات دۇيسەنبەك ۇلى تازا بىلعارىدان اياق كيىم شىعاراتىن «سپ «LuxShoes» جشس-ءنىڭ دە جۇمىسىمەن تانىستى. مۇنداعى ونىمدەر يتالياندىق تەحنولوگيا بويىنشا زاماناۋي تۇرىك جابدىقتارىندا شىعارىلادى. تاۋارلارىن جەرگىلىكتى نارىققا شىعاراتىن كاسىپورىن جىلىنا 120 مىڭ جۇپ اياق-كيىم شىعارۋعا قاۋقارلى. سونداي-اق, قالا باسشىسى ماقتا ءيىرىمجىبىن وندىرەتىن «Azala Cotton» فابريكاسىندا بولدى.
پاندەميا حالىقتىڭ دەنساۋلىعىنا ءالى دە قاۋىپتى ەكەنىن ايتقان اكىم كاسىپورىن باسشىلارىنا كارانتيندىك شەكتەۋلەردى قاتاڭ ساقتاۋدى ايتتى.
اتالعان ايماقتا بۇگىنگى تاڭدا قۇنى 29,9 ملرد. تەڭگەنى قۇرايتىن 16 جوبا جۇزەگە اسىرىلعان. ناتيجەسىندە 1 630 جاڭا جۇمىس ورىندارى قۇرىلعان. ونىڭ ىشىندە 2020 جىلدىڭ اقپان ايىندا «سپ «Lux Shoes» جشس-ءنىڭ اياق كيىم تاباندارىن شىعارۋ جوباسى ىسكە قوسىلىپ, 20 جاڭا جۇمىس ورنى اشىلدى. جىل سوڭىنا دەيىن «B.A.E.R.» جشس – داكەدەن تاڭۋ ماتەريالدار ءوندىرىسى جوباسىنىڭ جۇزەگە اسىرىلۋى جوسپارلانۋدا.
