«وتكەن 2 اپتانىڭ ىشىندە كۇندەلىكتى ءوسىم دەڭگەيى 5 پايىزدان اسپادى. وعان قاراماستان كەيبىر وڭىرلەردە كوروناۆيرۋسپەن تىركەلگەن ناۋقاستاردىڭ سانى كوبەيدى. اتىراۋ وبلىسى, قاراعاندى, الماتى, جامبىل , قوستاناي, تۇركىستان, باتىس قازاقستان وبلىستارى جانە شىمكەن قالاسىندا ءوسىم بايقالادى. وسى وڭىرلەردە كوروناۆيرۋستىڭ تارالۋى ۇلكەن كاسىپورىنداردا تىركەلىپ وتىر. مىسالى اتىراۋ وبلىسىندا تەڭىز كەنىشىندە 1063 ناۋقاس, شىمكەنتتەگى «پەتروقازاقستان» ۇيىمىندا 2019 ناۋقاس انىقتالدى, نۇر-سۇلتان مەن تۇركىستان قالالارىندا قۇرىلىس كاسىپورىندارىندا 80-نەن استام ادام ۆيرۋس جۇقتىرعان. جامبىل وبلىسى مەن الماتىدا اسكەري ۇيىمداردا ۆيرۋس تاراعان. سەبەبى بەلگىلى, كارانتين كەزىندە حالىق ۇيدە وتىرعان كەزدە كەيبىر قىزمەتكەرلەر جۇمىس ىستەدى»,- دەدى ەلجان ءبىرتانوۆ.
ودان بولەك مينيستر پاندەميانىڭ ەشقايدا كەتپەگەنىن ايتىپ, حالىقتى بارلىق كارانتيندىك شارانى ورىنداۋعا شاقىردى.
