ايماقتار • 27 مامىر، 2020

شىعىس قازاقستان: كوروناۆيرۋس ينفەكتسياسىن تاعى 7 ادام جۇقتىردى

325 رەت كورسەتىلدى

وسى ۋاقىتتاعى جاعداي بويىنشا وبلىستا كوروناۆيرۋستى جۇقتىرعان 73 ادام تىركەلدى.

وبلىس اكىمىنىڭ ءباسپاسوز قىزمەتىنىڭ حابارلاۋىنشا، ونىڭ بەسەۋى -سەمەي قالاسىنىڭ تۇرعىندارى. 1980 جانە 1964 جىلى تۋعان ايەل ادامدار اۋرۋحاناعا جرۆي اۋرۋ بەلگىلەرىمەن تۇسكەن. ۆيرۋس سونداي-اق، 1959 جىلعى ەر ادامدا پنەۆمونياعا مونيتورينگ، 1973 جىلعى ەر ادامدا سكرينينگ بارىسىندا انىقتالدى. ال 1980 جىلعى ايەل بۇرىن كۆي راستالعان اداممەن بايلانىستا بولعان تۇلعا رەتىندە تەكسەرىلگەن.
الماتىلىق 2016 جىلعى قىز بالادان كوروناۆيرۋس مەملەكەتتىك اۋىل شەكارا بەكەتىنەن ەلگە ورالۋ كەزىندە جۇرگىزىلگەن تەكسەرۋ بارىسىندا انىقتالىپ، وسكەمەن قالاسىنا ورنالاستىرىلىپتى.
ال 1984 جىلعى وسكەمەن قالاسىنىڭ تۇرعىنى نۇر-سۇلتان قالاسىنان كەلگەن ادام رەتىندە ءوز ءوتىنىشى بويىنشا تەكسەرۋدەن وتكەن.
ناۋقاستاردىڭ بارلىعىندا پتر دياگنوستيكالىق زەرتتەۋ ناتيجەلەرى COVID-19 دياگنوزىن راستاعان. ەپيدەميولوگيالىق تەرگەۋ جانە ەپيدەمياعا قارسى شارالار جالعاسۋدا. وسى ۋاقىتتاعى جاعداي بويىنشا وبلىستا كوروناۆيرۋستى جۇقتىرعان 73 ادام تىركەلدى.

شىعىس قازاقستان وبلىسى


سوڭعى جاڭالىقتار

دوللار قىمباتتادى

قارجى • كەشە

ۇقساس جاڭالىقتار