«جابدىقتاۋ جانە قامتاماسىز ەتۋ قىزمەتى. بلوك-بەكەتتەردە اسكەري قىزمەتشىلەردەن بولەك اسكەري مىندەتتىلەر دە, پوليتسەيلەر مەن ۆولونتەرلەر دە جۇمىس ىستەپ جاتىر. تج كەزىندە بارلىعى 150 ادام جۇمىلدىرىلدى», – دەدى قالا اكىمى.
ول ءسوز اراسىندا كوروناۆيرۋسپەن كۇرەستە تسيفرلاندىرۋ جۇيەسىنىڭ كومەگى تيگەنىن ايرىقشا اتاپ ءوتتى. قازىر ەلەكتروندى قىزمەت ايتارلىقتاي جاقسارعان.
«حقو-لار ونلاين قىزمەتىن ارتتىردى. سول سياقتى اكىمدىكتە دە تسيفرلاندىرۋ جۇمىستارىن كۇندەلىكتى ارتتىرىپ جاتىرمىز. ءوز كەزەگىندە بىزگە «سەرگەك» جۇيەسى دە ايتارلىقتاي كومەكتەستى. پوليتسەيلەردىڭ قولىندا ارنايى پلانشەتتەرى بار. بلوك-بەكەتتەردەگى وتكىزۋ جۇيەسى ماسەلەنى ۇزاققا سوزباي, كەپتەلىس تۋدىرماي جىلدام شەشۋگە كومەكتەسۋدە. سونىمەن قاتار, ە-كارانتين اقپاراتتىق جۇيەسى ازىرلەندى. ونىڭ نەگىزگى ماقساتى – سانيتارلىق-ەپيدەميولوگيالىق جاعدايدى باقىلاۋ», – دەيدى التاي كولگىنوۆ.
سونداي-اق ول تج رەجيمىن ساقتاۋ ءۇشىن قانشا ادام جۇمىلدىرىلعانىن مالىمدەدى.
«توتەنشە جاعداي رەجيمىن ساقتاۋ ءۇشىن قارۋلى كۇشتىڭ جەكە قۇرامىنان مىڭنان اسا ادام, پوليتسيا دەپارتامەنتى مەن ۇلتتىق گۆارديانىڭ جەكە قۇرامىنان باس-اياعى 3 مىڭ قىزمەتكەر جۇمىلدىرىلدى», – دەدى قالا اكىمى.
