24 مامىردا اۆتووتكەل ارقىلى رف پەن قر شەكاراسىنان وتكەن ۋاقىتتا جەلەزين اۋداندىق اۋرۋحاناسىنىڭ جەدەل جاردەم بريگاداسى ونى وبلىستىق تۋبەركۋلەزگە قارسى بالالار ءساناتوريىنىڭ كارانتيندىك ستاتسيونارىنا جەتكىزگەن.
پتر تالداۋى بۇل ازاماتتىڭ ۆيرۋستى جۇقتىرعانىن كورسەتتى, پاتسيەنت وبلىستىق بالالار اۋرۋحاناسىنىڭ جۇقپالى اۋرۋلار ستاتسيونارىنا جاتقىزىلدى.
ونىمەن بايلانىستا بولعان ادامدار انىقتالىپ, كوروناۆيرۋسقا تەكسەرىلدى, ناتيجەسى — تەرىس.
ۆيرۋستى جۇقتىرعان قالعان 3 ەر ادام — ەكىباستۇز قالاسىنىڭ 1992, 1971 جانە 1969 جىلعى تۇرعىندارى. بارلىعى كوروناۆيرۋس بۇعان دەيىن انىقتالعان ادامدارمەن قارىم-قاتىناستا بولعان.
ەپيدانامنەزدەن بەلگىلى بولعانداي, پاتسيەنتتەردە دەنە قىزۋى كوتەرىلگەن, جوتەل, السىزدىك بەلگىلەرى بولعان, الايدا وزدىگىنەن ەم الىپ, مەديتسينالىق كومەككە جۇگىنبەگەن. دەنساۋلىقتارى ناشارلاي تۇسكەن سوڭ ەكىباستۇز قالالىق اۋرۋحاناسىنا قارالىپ, ول جەردە كوروناۆيرۋسقا اناليز الىنىپ, ۆيرۋس انىقتالعان سوڭ ەكىباستۇز قالاسى اۋرۋحاناسىنىڭ جۇقپالى اۋرۋلار ستاتسيونارىنا جىبەرىلدى.
سونداي-اق, وسى ازاماتتاردىڭ قاتارىنداعى 51 جاستاعى ەر ادامنىڭ ۇزاق جىلدار بويى سوزىلمالى برونحيتپەن اۋىرعانى انىقتالدى. انامنەزدە — جۇرەكتىڭ سوزىلمالى اۋرۋى, ستەنوكارديا, ينسۋلينگە تاۋەلدى قانت ديابەتى. پاتسيەنت ەكىباستۇز قالاسىنىڭ مەديتسينالىق ورتالىعىنا جۇگىنگەن, ول جەردە COVID-19 عا تەكسەرىلدى, وسىلايشا ۆيرۋستى جۇقتىرعانى انىقتالدى.
بۇل ازاماتتاردىڭ تۇرعىلىقتى جەرى جانە جۇمىس ورنى بويىنشا بايلانىستا بولۋى مۇمكىن ادامدار توبى انىقتالدى. اۋرۋ وشاقتارىندا زارارسىزداندىرۋ جۇمىستارى جۇرگىزىلدى. ەپيدەمياعا قارسى شارالار قولعا الىنعان.
26 مامىرداعى جاعداي بويىنشا پاۆلودار وبلىسىندا كوروناۆيرۋس ينفەكتسياسىن جۇقتىرعان 191 ادام تىركەلگەن, ولاردىڭ ىشىندە 148-ءى جازىلىپ شىققان.
