ايماقتار • 27 مامىر، 2020

شالعايداعى اۋىلدا ءسۇت زاۋىتى اشىلدى

22 رەت كورسەتىلدى

جارقايىڭ اۋدانىنىڭ تاسوتكەل اۋىلىندا جاڭا ءسۇت زاۋىتى ىسكە قوسىلدى. نىسان تاۋلىگىنە 17 تونناعا دەيىن ءسۇت وڭدەۋگە قاۋقارلى. مۇندا ءسۇت، ايران، سۇزبە، قايماق، سارى ماي جانە وزگە دە ءسۇت ونىمدەرى وندىرىلەدى. جوبا «تەمىرلان» سەرىكتەستىگىنىڭ باستاماسىمەن جۇزەگە اسىرىلعان. 

تاسوتكەل اۋىلىنداعى جاڭا ءسۇت زاۋىتىنىڭ قۇرىلىسى ءوڭىر حالقىنىڭ كوپتەن كۇتكەن قۋانىشى. شاعىن اۋىلداعى شارۋاشىلىق نىسانىنىڭ بولاشاعىنان زور ءۇمىت كۇتەدى. كاسىپورىن ءسۇت وڭدەۋمەن اينالىسادى. دايىن ءونىم قاپتاماسى دا وسى جەردە وندىرىلەدى. ءسۇت زاۋىتىندا جەرگىلىكتى تۇرعىنداردان ءسۇت قابىلداۋ تسەحى، تەرمووڭدەۋ جانە پاستەرلەنگەن ءونىمدى قۇيۋ ءبولىمى، توڭازىتۋ كامەراسى، زەرتحانا مەن دايىن ءونىمدى ساقتاۋ قويماسى بار. جوبا «تەمىرلان» سەرىكتەستىگىنىڭ ءوز قارجىسىنا سالىنعان. نىساننىڭ قۇنى 330 ميلليون تەڭگە. كاسىپورىن تولىقتاي اۆتوماتتاندىرىلعان. مۇندا جەرگىلىكتى 5 تۇرعىن جۇمىسپەن قامتىلىپ وتىر.

كاسىپورىن تۋعان اۋىلعا الەۋمەتتىك قولداۋ كورسەتىپ كەلەدى. وسىلايشا، نىسان قارجىسىنا اۋىل مەكتەبى، مادەنيەت ءۇيى مەن سپورتزالعا دا جوندەۋ جۇمىستارى جۇرگىزىلگەن. ءسۇت زاۋىتى الادعى ۋاقىتتا ءونىم كولەمىن ارتتىرىپ، وبلىس نارىعىنا شىعۋعا بەل بۋىپ وتىر. 

 

اقمولا وبلىسى

سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار