مامىر ايىنىڭ باسىندا مەملەكەت باسشىسى قاسىم-جومارت توقاەۆ ەلىمىزدە توتەنشە جاعداي اياقتالعانىن, الايدا كارانتين رەجيمىنىڭ تالاپتارى جالعاساتىنىن مالىمدەگەن بولاتىن. وسىدان كەيىن حالىق جايباراقات كۇيگە تۇسكەن ءتارىزدى. قاۋلىعا سايكەس ادامدار كوپ شوعىرلانعان جەرلەردە, قوعامدىق ورىنداردا, قوعامدى كولىكتەردە ماسكا كيىپ ءجۇرۋ مىندەتتەلگەن. ادامدار كوپ شوعىرلاناتىن ورىن – بازار. سورە جاعالاعان الارمان دا, ساۋداگەرلەردىڭ وزدەرى دە كارانتين تالاپتارىن ساقتاۋعا ق ۇلىقسىز. قوعامدىق كولىكتىڭ ىشىنە توپىرلاپ كىرگەن ادامداردىڭ دا ماسكا كيۋدى قاجەتسىنبەيتىنى بايقالادى.
قالىپتى ومىرگە تولىق كوشىپ, كارانتيندىك مەرزىم اياقتالۋى ءۇشىن ءوسىم 2 پروتسەنتكە جەتۋى ءتيىس. بۇگىندە وبلىستا ىندەت جۇقتىرعاندار سانى 147-گە جەتىپ, كورسەتكىش 5 پروتسەنتتەن اسقان. بۇل – تۇرعىندار تاراپىنان تۋىنداعان سالعىرتتىقتىڭ سالدارى بولۋى ابدەن ىقتيمال.
– قاۋلىعا سايكەس ادامدارعا دالادا ءجۇرۋ ءۇشىن ۋاقىت شەكتەۋى الىنىپ تاستالدى. قوعامدىق كولىكتەر دە قالىپتى جۇرە باستادى. مامىردىڭ 25-ىنەن باستاپ وبلىس ىشىندەگى جول قاتىناستارى اشىلدى. ادامدار كوپ شوعىرلانعان جەردە, كەڭسەلەردە, قوعامدىق كولىك ىشىندە جۇرگىزۋشى دە,جولاۋشى دا ماسكا كيۋى ءتيىس. جانە بازار, ساۋدا ورتالىقتارىندا ساتۋشى دا, ساتىپ الۋشى دا ماسكادا بولۋى مىندەتتى. ال ەگەر تالاپتار بۇزىلسا, اتالمىش مەكەمە باسشىلىعى جاۋاپ بەرەدى,–دەيدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايناگۇل مۋسينا.
جاز ۋاقىتىندا ادامداردىڭ ۇيدە وتىرۋى دا قيىن. سوعان وراي, ەپيدەميولوگ ماماندار ءۇش ادامنان ارتىق جينالا قالعان جاعدايدا ماسكا كيۋدى ۇسىنادى. الداعى ۋاقىتتا جازعى دەمالىستار باستالىپ, تۇرعىندار جاعاجايعا, ورمان ىشىنە اعىلاتىنى بەلگىلى.
