قازىرگى ۋاقىتتا زاۋىت تولىق جۇكتەمەمەن ءۇش اۋىسىمدا جۇمىس ىستەيدى.
جاڭا وندىرىستىك جەلىدە «Chevrolet» ماركالى اۆتوموبيلدەردىڭ Damas, Labo, Trailblazer, Malibu, Spark سياقتى بىرنەشە ءتۇرىن قۇراستىرادى.
Chevrolet Damas اۆتوبۋسى مەن Chevrolet Labo جۇك ماشيناسىنىڭ اقىرعى قولجەتىمدى قۇنى شامامەن 3 ملن تەڭگە بولۋعا ءتيىس. ءسويتىپ ساۋدا, لوگيستيكا, اۋىل شارۋاشىلىعى جانە وزگە دە سالالارداعى شاعىن جانە ورتا بيزنەس ءۇشىن تارتىمدىلىعى ارتادى.
قازاقستاندا اۆتوموبيل جاساۋ – ەكونوميكانىڭ سەرپىندى دامىپ كەلە جاتقان سالالارىنىڭ ءبىرى ەكەنىن ايتا كەتۋ كەرەك. اعىمداعى جىلى اۆتوموبيل ونەركاسىبى ونىمدەرىنىڭ جالپى كولەمىن جىلىنا 100 مىڭعا جەتكىزۋ جوسپارلانىپ وتىر. سالادا وقشاۋلانۋدىڭ ورتا دەڭگەيى 50%, كوممەرتسيالىق تەحنيكالار مەن اۆتوبۋستار بويىنشا 60-65% دەيىن جەتەدى.
