پوليتسيا سەرجانتى 19 قاڭتارعا قاراعان ءتۇنى قىزمەتتىك بورىشىن اتقارۋ ۇستىندە قاسكويدىڭ قولىنان مەرت بولعان ەدى. ءوز وتباسىن قىرىپ-جويماق بولىپ قوقاڭ-لوقى كورسەتكەن 28 جاستاعى توبىل قالاسىنىڭ تۇرعىنى شاقىرتۋمەن بارعان دارحانعا پىشاق ۇرىپ العان. ساناۋلى مينۋت عۇمىرى قالعانىنا قاراماستان پوليتسيا سەرجانتى قاسكويدى بايلاپ-ماتاپ, وتباسىنا تونگەن قاۋىپتىڭ الدىن كەستى. وقيعا ورنىنا كەلگەن جەدەل جاردەم پوليتسيا سەرجانتىنىڭ ومىرىنە اراشا بولا المادى.
مەملەكەت باسشىسى قاسىم-جومارت توقاەۆتىڭ جارلىعىمەن قىزمەتتىك بورىشىن اتقارۋ بارىسىندا ەرلىك پەن جانقيارلىق كورسەتكەن دارحان بازارباەۆ ءىىى دارەجەلى «ايبىن» وردەنىمەن ماراپاتتالدى.
توبىل قالاسىنىڭ بۇرىن سوتتالعان 28 جاستاعى تۇرعىنى قر قك 99 بابىنىڭ 2-ءبولىمى بويىنشا ايىپتالۋدا. سوت ونلاين رەجىمدە ءوتىپ جاتىر. العاشقى سوت وتىرىسىندا كۋالاردىڭ ايعاعى تىڭدالدى.
قوستاناي وبلىسى
