بۇل ماقساتقا 240 ميلليون تەڭگەگە جۋىق قارجى ءبولىندى. جارقايىڭ اۋدانىنىڭ ورتالىعى دەرجاۆينسك قالاسىندا «جۇمىسپەن قامتۋدىڭ جول كارتاسى-2020» باعدارلاماسى اياسىندا اقپان ۇكىباەۆ اتىنداعى ورتا مەكەپكە جوندەۋ جۇرگىزىلۋدە. ورتا ءبىلىم بەرۋ مەكەمەسىنىڭ ينتەرنات عيماراتى جوندەلىپ, سىرتقى ارلەۋ جۇمىستارى, اۋماق قورشاۋىن الماستىرۋ جۇزەگە اسىرىلادى. مەملەكەتتىك باعدارلاما اياسىندا جۇمىسپەن قامتۋ ورتالىقتارى ارقىلى 14 ادام ەڭبەكپەن قامتىلدى.
مەكتەپ عيماراتى 1963 جىلى سالىنعان. سوڭعى جوندەۋ جۇمىستارى 2005 جىلى جۇرگىزىلىپتى. 15 جىلدا عيمارات ەسكىرىپ, مەكتەپتىڭ كوممۋنالدىق جۇيەسى سىر بەرگەن. جاڭا جوبالىق قۇجاتتاما بۇل كەمشىلىكتەردى تولىق جويۋعا باعىتتالعان. مەكتەپ 320 وقۋشىعا شاقتالعان. نىسان قىركۇيەك ايىندا دەيىن قولدانىسقا بەرىلەدى دەپ كۇتىلۋدە.
