رەانيماتولوگ جانە نەيروحيرۋرگ ءسابيدى قاراپ, شۇعىل تۇردە اۋرۋحاناعا جاتقىزۋ تۋرالى شەشىم قابىلداعان بولاتىن. قازىرگى ۋاقىتتا بۇلدىرشىندە قانسىراۋ بەلگىسى بايقالمايدى, سول سەبەپتى وعان قان قۇيۋ قاجەتتىلىگى جوق.
24 مامىر كۇنى اقتاۋدا وسىنداي تاعى ءبىر جاعداي ورىن الدى. بەس جاسار بالا 26 ش/ا كوپقاباتتى ءۇيدىڭ بىرىندە ءتورتىنشى قاباتتان قۇلاعان. قازىر ناۋقاستىڭ جاعدايى اۋىر, ول جانساقتاۋ بولىمشەسىنە جاتقىزىلىپ, تىنىس الۋ اپپاراتىنا قوسىلعان.
بۇعان دەيىن دە تاعى ءبىر بەس جاستاعى بالانىڭ شىعىس ش/ا ەكىنشى قاباتتان قۇلاپ, مەديتسينالىق كومەككە جۇگىنگەن بولاتىن. ابىروي بولعاندا ونىڭ ومىرىنە ءتونىپ تۇرعان قاۋىپ جوق. وسىلايشا سوڭعى ەكى اپتادا اقتاۋ قالاسىندا ءۇش بالانىڭ ەكىنشى, ءۇشىنشى جانە ءتورتىنشى قاباتتان قۇلاعان دەرەگى ورىن الىپ وتىر.
دارىگەرلەر اتا-انالار ءوز بالالارىنا مۇقيات قاراۋعا شاقىرادى, ەڭ باستىسى تەرەزەنى اشىپ قويۋعا بولمايتىنىن ەسكە سالادى.
