«قايعىلى جاعدايدا قازا تاپقان پوليتسەيلەر توتەنشە جاعداي رەجيمىندە 2 ايدان استام ۋاقىت جۇمىس ىستەدى. ولار كۇندەلىكتى قىزمەتىندە كارانتيندىك شارالاردى قامتاماسىز ەتىپ, قوعامدىق ءتارتىپتى قورعادى. اعا لەيتەنانت جاراس جانعازيەۆ الماتى قالاسىنىڭ پاتۋرلدىك پوليتسيا پولكىنىڭ ينسپەكتورى بولىپ جۇمىس ىستەدى. 19 جىل بويى قىزمەتتىك مىندەتتەرىن ابىرويمەن اتقارىپ, ءمىنسىز قىزمەتى ءۇشىن بىرنەشە مارتە ىنتالاندىرىلدى, ونىڭ ىشىندە ۆەدومستۆولىق ناگرادالار الدى. كوپتەگەن جاس پوليتسەيلەر ءۇشىن تالىمگەر ءارى ۇلگى بولا ءبىلدى. جاراس جانعازيەۆ ءوز ءىسىنىڭ كاسىبي مامانى عانا ەمەس, سونىمەن بىرگە جاقسى اكە ەدى. ونىڭ ارتىندا ەكى قىزمەن ءۇشىنشى سابيلەرىن كۇتكەن جارى قالدى», - دەدى مينيستر ەرلان تۇرعىمباەۆ.
سونداي-اق, مينيستر پوليتسيا سەرجانتى داستان ابدىقانوۆ تۋرالى: «4 جىلدىق قىزمەت جولىندا ءوزىن جاۋاپكەرشىلىگى مول, ۇستانىمى بەرىك ءارى تىڭعىلىقتى ورىنداۋشى قىزمەتكەر رەتىندە ءوزىن كورسەتە ءبىلدى. وتكەن جىلى عانا شاڭىراق كوتەردى جانە ءبىر اي بۇرىن عانا قىزى دۇنيەگە كەلگە ەدى. «وكىنىشكە قاراي, قايعىلى وقيعا ولاردىڭ ءومىرىن قيدى. ەكى قىزمەتكەر دە ۇزدىكتەردىڭ قاتارىندا ەدى.ولار وتانىمىزعا ءالى دە كوپ ەڭبەك سىڭىرە الاتىن. ىشكى ىستەر مينيسترلىگىنىڭ بارلىق جەكە قۇرامى ولاردىڭ تۋعان-تۋىستارىمەن بىرگە ازا تۇتادى. بارلىعىمىز ءۇشىن بۇل ورنى تولماس قازا بولىپ وتىر», - دەپ, مارقۇمداردىڭ وتباسى مەن تۋعان-تۋىسىنا قايعىرا كوڭىل ايتتى.
دەرەككەوز: Polisia.kz.
