شىمكەنت قالاسىنىڭ اۋماعىندا 2020 جىلدىڭ 25 مامىرى ساعات 07.00-دەن باستاپ 2020 جىلدىڭ 8 ماۋسىمى ساعات 00.00-گە دەيىن كارانتين شارالارى ۇزارتىلادى.
قوعامدىق ورىنداردا, قوعامدىق كولىكتە جانە قىزمەتى رۇقسات ەتىلگەن وبەكتىلەرگە بارعاندا بەتپەردە, قولعاپ, انتيسەپتيكتەر پايدالانۋ مىندەتتەلەدى.
كوپشىلىك ءىس-شارالار (مەرەكەلىك, سپورتتىق-كوپشىلىك, ويىن-ساۋىق مادەني كوپشىلىك ءىس-شارالار, كونفەرەنتسيا, سەمينار, كورمە جانە ت.ب) وتكىزۋگە تيىم سالىنادى.
شىمكەنت قالاسىنىڭ اۋماعىنداعى بارلىق توپتاعى وبەكتىلەر (ساۋدا سالاسى, قىزمەت كورسەتۋ, قارجى جانە ت.ب,) ءۇشىن جۇمىس ۋاقىتى ساعات 10.00-دەن 18.00-گە دەيىن شەكتەلەدى.
ايتا كەتەيىك, بۇل COVID-19 سىرقاتتانۋشىلىعىنىڭ وسۋىنە بايلانىستى حالىق اراسىندا كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا قولعا الىنىپ وتىرعان شارا.
