سولتۇستىكقازاقستاندىقتار كارانتين رەجىمىن قاتاڭ ساقتاپ, سونىڭ ناتيجەسىندە كورونوۆيرۋستىڭ تارالۋىن تۇراقتى جاعدايعا جەتكىزگەن ەدى. ەندى رەسەيمەن ەكى اراداعى شەكارا اشىلىپ, ۆاحتالىق ادىسپەن جۇمىسقا بارعاندار قايتىپ, الىس-بەرىس قاتىناستار ارتىپ, جۇك اۆتوموبيلدەرى وتە باستاعاننان بەرى وسىنداي قيىنشىلىق جاعداي تۋىپ وتىر. قازىر رەسەي Covid-19 –بەن اۋىرعاندار سانى جونىنەن الەمدە ءۇشىنشى ورىنعا شىقتى. بۇل ەلدە سىرقاتقا ۇشىراعاندار سانى الەمدە 5 ميلليوننان اسىپ, ولگەندەر 400 مىڭعا جاقىنداسا دا وعان ءمان بەرمەيتىندەر, بىرەۋلەردىڭ ءوز مۇددەسى ءۇشىن وسىنى ويلاپ تاپقانى دەيتىندەر ءالى دە كوپ. سونىڭ كەسىرىنەن ساقتانۋ شارالارى دا تومەن. وسىنىڭ زاردابى بىزگە دە ءتيىپ جاتىر.
قازىر ەكى ەلدىڭ وتكىزۋ پۋنكتتەرىنەن كۇنىنە قازاقستانعا 350 ادامداي وتەدى. ولاردىڭ ءبارى تەكسەرىلگەنىمەن اراسىندا سىرقاتى بايقالماي قالاتىندارى دا جوق ەمەس. شەكارادان جاياۋ كىرگەندەردىڭ ءبارى كارانتيندىك ستاتسيونارعا جىبەرىلەدى. كۇنىنە ءبىر مىڭ ادامعا دەيىن پتر تەستەر تاپسىرادى. مىنە, وسىنداي جىتىلىكتىڭ ارقاسىندا جاڭادان كەلگەندەردىڭ اراسىنان ىندەت تابىلىپ وتىر.
دارىگەرلەر وڭىردەگى احۋال جالپى ايتقاندا تۇراقتى دەگەنىمەن تۇرعىندار شەتتەن كەلگەندەردەن تابىلىپ جاتقان ىندەتكە الاڭداۋشىلىق بىلدىرۋدە. بىراق سقو ماماندارى ارقاشان ءوز بيىگىنەن تابىلار دەگەن ءۇمىت بار. باسقا جەردىڭ ءبارى ءتيىستى اقىلارىن الا الماي جاتقاندا مۇنداعىلار ءتيىستى ەڭبەكاقىلارىن ۋاقىتىندا الدى, ەشقانداي دابىل بولعان ەمەس.
قازىر 14 ادام اۋرۋحانادا, 47 ادام پروۆيزورلىق ستاتسيوناردا جانە 112 ادام كارانتيندىك ستاتسيوناردا جاتىر.
سولتۇستىك قازاقستان وبلىسى
