تەحنولوگيا • 23 مامىر، 2020

كوروناۆيرۋس سمارتفون نارىعىنا قالاي اسەر ەتىپ جاتىر؟

337 رەت كورسەتىلدى

كوروناۆيرۋس پاندەمياسى مەن ونىڭ سالدارلارى ەكونوميكانىڭ بارلىق سالاسىنا سالقىنىن تيگىزىپ جاتىر. دۇنيەجۇزىلىك داعدارىستىڭ اۋىلى الىس ەمەس دەگەن ساراپشىلاردىڭ پىكىرلەرىن وقىپ تا، ءبىلىپ تە ءجۇرمىز. البەتتە، بىرەن-ساران ونلاين كونفەرەنتسيا قىزمەتىن ۇسىناتىن it-كومپانيالار تابىستىڭ استىندا قالىپ جاتقان بولار؟ بىراق كۇللى الەم قينالسا، ولاردىڭ پايداعا شاش ەتەكتەن باتقانى نە كەرەك؟

ءبارىمىزدىڭ ەلەڭدەپ قارايتىن سمارتفون نارىعى وسى جاعدايدى قالاي باستان وتكەرىپ جاتىر ەكەن؟ وسى سالادا زەرتتەۋ جۇمىستارىمەن اينالىساتىن Canalys كومپانياسى الەمدىك نارىقتا بيىلعى ءبىرىنشى توقسانداعى سمارتفون ساتۋ 13%-عا تومەندەگەنىن ايتىپ وتىر. سانمەن كەلتىرسەك، بۇل 272 ملن دانا سمارتفون دەگەن ءسوز.

12

ايگىلى Samsung ەڭ كوپ زيان شەگىپ جاتىر. بۇل كومپانيانىڭ سمارتفون ساتۋ كورسەتكىشى 17%-عا ازايىپ، 60 ملن داناعا تۇسكەن. ەكىنشى ورىنداعى زيان شەگۋشى قىتايلىق Huawei 49 ملن شاماسىندا (17%-عا از) گادجەت ساتىپ، Google كومپانياسىنىڭ سانكتسيالارى مەن شەكتەۋلەرىنە پىسقىرماي وتىر. بۇل جەردە قىتايدىڭ ىشكى نارىعى ۇلكەن سەپتىگىن تيگىزۋدە. اتىشۋلى Apple 37 ميلليوندىق كورسەتكىشپەن ءۇشىنشى ورىندا. ستيۆ دجوبس ءىزباسارلارىنىڭ ساتىلىمعا شىققان سمارتفوندار سانى 8 پايىزعا ازايعان. كەلەسى ءتورتىنشى جانە بەسىنشى ورىنداردا قىتايلىق كومپانيالار. الپاۋىت Xiaomi 30 ملن قۇرىلعى ساتىپ، ونىڭ سانى كەرىسىنشە 9%-عا ارتسا، Vivo كومپانياسىنىڭ 24 ملن گادجەتى ساتىلىپ كەتكەن، ءارى 3 پايىزدىق ءوسىم بار.

5

Canalys كومپانياسىنىڭ اناليتيگى بەنا ءستانتوننىڭ پىكىرىنشە بۇل كورسەتكىشتەر داعدارىس جاعدايىندا الەمدىك برەندتەر ءۇشىن كوڭىلگە قونىمدى ەكەنىن ايتۋدا. بىلتىرعى فلاگماندار مەن تانىمال سمارتفوندار جاقسى ساتىلۋدا ەكەن. بيىلعى جىلدىڭ ءبىرىنشى توقسانىندا IPhone 11، Xiaomi Redmi Note 8T جانە Samsung A51 سياقتى گادجەتتەر وتە جاقسى ساتىلعان. دەگەنمەن دە، سمارتفوندى بايلىقتىڭ بەلگىسى رەتىندە ساتىپ العىسى كەلگەندەر ونى كەيىنگە قالدىرۋعا ءماجبۇر بولعان ەكەن.

كوروناۆيرۋس العاشىندا تەك قىتايدا عانا بەلەڭ العاندا Samsung ءوز قۇرىلعىلارىن كورەيا مەن ۆەتنامدا شىعارىپ جول تاپتى. بىراق كەيىنىرەك اۋرۋ كەڭ تارالا باستاعاندا ساتىلىم ازايعان. Apple بولسا، IPhone 11 سمارتفونىنىڭ اسا قاتتى تانىمالدىلىعى ارقاسىندا ساتىلىم دەڭگەيى تىم كوپ تۇسپەدى. بيىلعى IPhone SE سەرياسى دا كومپانيانىڭ ستراتەگيالىق تۇرعىدان دۇرىس شەشىمى بولىپ، ءونىمدى ءساتتى وتكىزۋدە پايداسىن تيگىزدى.

9

Huawei ءتۇرلى سانكتسيالارعا قاراماستان سمارتفوندى شىعارىپ تا، ساتىپ تا پايداسىن جاقسى تاپتى. وعان قوسا Google سەرۆيستەرى بولماسا دا ر40 فلاگمانىن شىعاردى.

98

2020 جىلدىڭ العاشقى توقسانىندا كارانتيندىك جاعدايدا بۇرىن وفلاين جۇمىس ىستەيتىندەر ونلاين ساۋداعا كوشتى. مۇنداي رەجيمگە ۇيرەنبەگەندەر دۇكەندەر ءۇشىن بۇل لوگيستيكالىق تۇرعىدا قيىندىق تۋعىزىپ، تاۋاردىڭ قىمباتتاۋىنا اسەر ەتكەن.

ەندى ەكىنشى توقساندا كوروناۆيرۋستىڭ شارىقتاۋ شەگى بولۋى مۇمكىن بولعاندىقتان جوعارىداعى كورسەتكىشتەر تاعى تومەندەۋى ابدەن ىقتيمال. بىراق كەيبىر ەۋروپا ەلدەرى بىرقاتار شەكتەۋلەردى الىپ تاستاپ، ءۇمىت وتىن ۇيالاتىپ تا وتىر.

 

سوڭعى جاڭالىقتار

ءبىلىم – باستى قۇندىلىق

ايماقتار • بۇگىن، 17:10

كوكپەكتىدە ساياباق اشىلدى

ايماقتار • بۇگىن، 15:48

ماڭعىستاۋدا دەلتاپلان قۇلادى

ايماقتار • بۇگىن، 11:24

ەلىمىزدە تاعى 55 ادام ىندەتتەن ايىقتى

كوروناۆيرۋس • بۇگىن، 09:00

الىستان جەتكەن العىس

ايماقتار • كەشە

تازالىق ءبىردىڭ ەمەس، مىڭنىڭ ءىسى

ايماقتار • 18 قىركۇيەك، 2020

قالا كۇنى ونلاين فورماتتا اتالىپ وتەدى

ايماقتار • 18 قىركۇيەك، 2020

بايتۇرسىنوۆ اتىنداعى بايقاۋ ءوتتى

قوعام • 18 قىركۇيەك، 2020

وبلىس اكىمى سىرداريا اۋدانىنا بولدى

ايماقتار • 18 قىركۇيەك، 2020

ءۇش ءتىلدىڭ ۇزدىكتەرى انىقتالدى

ايماقتار • 18 قىركۇيەك، 2020

حالىقارالىق سەمينار-كەڭەس ءوتتى

قازاقستان • 18 قىركۇيەك، 2020

ۇقساس جاڭالىقتار