ايماقتار • 22 مامىر، 2020

قوستانايلىقتار جاپپاي ەلەكتروندى قولتاڭبا الا باستادى

11 رەت كورسەتىلدى

11 مامىردان باستاپ قايتا جۇمىس ىستەي باستاعان حالىققا قىزمەت كورسەتۋ ورتالىقتارى العاشقى ون كۇن ىشىندە ايماق تۇرعىندارىنا 22 142 قىزمەت كورسەتكەن. تۇرعىنداردىڭ دەنى حقكو-عا ەلەكتروندى قولتاڭبا الۋ ءۇشىن كەلەدى ەكەن. ماسەلەن، سوڭعى ونكۇندىك ىشىندە 5 706 ەتسق رەسىمدەلىپتى.  

ەلەكتروندى قولتاڭبادان كەيىنگى ورىندا تۇرعان قىزمەت ءتۇرى - كولىك قۇرالدارىن تىركەۋ. ەكى اپتا ىشىندە قوستانايلىقتار 3347 اۆتوكولىكتى تىركەۋگە قويعان.

– ايماق تۇرعىندارى جىلجىمايتىن م ۇلىكتى تىركەۋ قىزمەتى بويىنشا دا بەلسەندىلىك تانىتىپ وتىر. بۇگىنگە دەيىن 2388 قۇجات رەسىمدەلدى. سونداي-اق 1621 ادام جۇرگىزۋشى كۋالىگىن الدى، - دەيدى  «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ» وبلىستاعى فيليالىنىڭ PR-مەنەدجەرى ياروسلاۆا بوگاتىرەۆا.

يا. بوگاتىرەۆانىڭ ايتۋىنشا، قازىر قوستاناي قالاسىنىڭ حالىققا قىزمەت كورسەتۋ ورتالىقتارى جاڭا جۇمىس فورماتىنا كوشكەن. حالىققا قىزمەت كورسەتۋ ورتالىقتارىندا بۇرىنعىداي ەلەكتروندىق قىزمەت كورسەتىلمەيدى. ولاردى ەلەكتروندىق ۇكىمەت پورتالى ارقىلى  كەڭسەدەن نەمەسە ۇيدەن، سونداي-اق وزىنە-ءوزى قىزمەت كورسەتۋ سەكتورلارىنان الۋعا بولادى. حقكو-دا قىزمەت تەك قاعاز تۇرىندە كورسەتىلەدى، سونداي-اق egov.kz-كە الدىن-الا تاپسىرىس بەرىلگەن قىزمەتتەر بويىنشا دايىن قۇجاتتار پاكەتى بەرىلەدى.

 

قوستاناي وبلىسى

سوڭعى جاڭالىقتار

ۇقساس جاڭالىقتار