ارينە, ۇستازدارى وعان بىرنەشە رەت ەسكەرتۋ جاساپتى. سوعان قاراماستان ساباقتان قالۋىن جالعاستىرا بەرىپتى. ءسويتىپ, اقپاننىڭ 12 كۇنىنىڭ ساباعىنا قاتىسپاعانى انىقتالىپ وتىر. ۇلىنىڭ بۇل ارەكەتى ءۇشىن اكەسىنە سوت الدىندا جاۋاپ بەرۋىنە تۋرا كەلدى.
بۇل ءىس اتىراۋ وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا «TrueConf» ءموبيلدى قوسىمشاسىن قولدانۋ ارقىلى قارالدى. ويتكەنى, كامەلەتكە تولماعان بالانىڭ اكەسى ءبىر جىل بۇرىن بۇرىن اكىمشىلىك جازاعا قولدانىلسا دا تاربيە مەن ءبىلىم بەرۋ جونىندەگى مىندەتىن ورىنداماي كەلگەن. سول سەبەپتەن, ونىڭ ءىسى قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنىڭ 127-بابىنىڭ 2-بولىگىن بۇزعان بولىپ سانالدى.
–سوت وتىرىسىندا قۇقىق بۇزۋشىعا كىناسىن مويىنداماسقا امال قالمادى. سوت قاۋلىسىمەن كامەلەتكە تولماعان ءجاسوسپىرىمنىڭ اكەسىنە ەكى تاۋلىككە اكىمشىلىك قاماققا الۋ جازاسى تاعايىندالدى, - دەپ حابارلادى وبلىستىق سوتتىڭ ءباسپاسوز قىزمەتى.
