«سىيعا – سىي, سىراعا – بال». شالعايدان جەتكەن كولىكتى بوس قايتارۋدى ءجون كورمەگەن وڭتۇستىكتەگى باۋىرمال اعايىن سارىاعاش اۋدانى توڭكەرىس اۋىلىنان قوستاناي وبلىسىنىڭ از قامتىلعان وتباسىلارى ءۇشىن 18 توننا قىرىققابات تيەپ جىبەرگەن. قوستانايلىق كولىكتى توڭكەرىسكە اپارىپ, وعان كوكونىس تيەۋگە قول ۇشىن سوزعان - «Nur Otan» پارتياسىنىڭ وبلىستىق فيليالىنىڭ ەرىكتىلەرى.
وڭتۇستىكتەن جەتكەن قىرىققابات «Birgemiz» اكتسياسى اياسىندا ەندى وبلىستىڭ قالا, اۋداندارىندا تۇراتىن از قامتىلعان وتباسىلارعا تاراتىلىپ بەرىلەتىن بولادى.
- جەرگىلىكتى فيليالدار ايماقتاعى جاعدايى تومەن وتباسىلار ءتىزىمىن جاساپ, سول ءتىزىم بويىنشا اتاۋلى كومەك كورسەتۋدى ءالى دە جالعاستىرادى, - دەپ حابارلادى «Nur Otan» پارتياسى قوستاناي وبلىستىق فيليالىنىڭ ءباسپاسوز قىزمەتى.
قوستاناي وبلىسى
