ۇلكەن ديقان – الماتى قالاسىنان دا, وبلىس ورتالىعى – تالدىقورعاننان دا شالعايدا, مەملەكەتتىك شەكارامىزعا جاقىن ورنالاسقان اۋىل. ۇلكەن ديقان – جوعارى جاققا الاقان جايىپ, كومەك-قولداۋ سۇراماي-اق وزدەرىنىڭ بار شارۋالارىن حال-قادەرىنشە رەتتەۋ ارقىلى تىرشىلىك جاساپ كەلە جاتقان ەلدى مەكەن. بۇل اۋىلعا جوعارى-تومەنگى ساتىداعى, دالىرەك ايتقاندا, ۇلكەندى-كىشىلى دەڭگەيدەگى شەنەۋنىكتەر اتباسىن وتە سيرەك بۇرادى. ءتىپتى, كەلمەيدى دەسە دە بولادى.
ۇلكەن ديقان – الماتى قالاسىنان دا, وبلىس ورتالىعى – تالدىقورعاننان دا شالعايدا, مەملەكەتتىك شەكارامىزعا جاقىن ورنالاسقان اۋىل. ۇلكەن ديقان – جوعارى جاققا الاقان جايىپ, كومەك-قولداۋ سۇراماي-اق وزدەرىنىڭ بار شارۋالارىن حال-قادەرىنشە رەتتەۋ ارقىلى تىرشىلىك جاساپ كەلە جاتقان ەلدى مەكەن. بۇل اۋىلعا جوعارى-تومەنگى ساتىداعى, دالىرەك ايتقاندا, ۇلكەندى-كىشىلى دەڭگەيدەگى شەنەۋنىكتەر اتباسىن وتە سيرەك بۇرادى. ءتىپتى, كەلمەيدى دەسە دە بولادى.
وسىدان بىرەر اپتا بۇرىن اۋىزبىرشىلىگى مىعىم, ىنتىماعى جاراسقان وسى ۇلكەن ديقان اۋىلىندا كوپشىلىككە ۇلگى بولاتىن, بولاشاق ۇرپاق ۇمىتپاي ايتا جۇرەتىن ەرەكشە ءبىر يگىلىكتى شارانىڭ كۋاسى بولدىق. ول – ۇلى وتان سوعىسىندا قازا تاپقان, سۇراپىل سوعىستا حابارسىز كەتكەن جانە ودان كەيىنگى جىلدارى ومىردەن وزعان سوعىس ارداگەرلەرى مەن ەڭبەك ارداگەرلەرىنىڭ اتى-جوندەرى ءمارمار تاسقا ويىلىپ جازىلعان ەڭسەلى ەسكەرتكىشتىڭ سالتاناتتى جاعدايدا اشىلۋى ەدى. وتكەن عاسىر كەزەڭدەرىنەن سۋىرتپاقتاپ سىر شەرتەتىن, سول جىلداردىڭ قيىندىعىمەن قوسا, ەسەلەنگەن ەڭبەك ءدۇبىرىن كوز الدىمىزعا ەلەستەتەتىن ەسكەرتكىشتە 469 ادامنىڭ ەسىمى جازىلعان ەكەن.
ەسكەرتكىشتىڭ اشىلۋ ءراسىمى اياقتالىپ, قاۋمالاعان جۇرت ءسال سايابىرلاعان سوڭ, ەسكەرتكىشتەگى اتا-اپالارىمىزدىڭ, اعا-اپكەلەرىمىزدىڭ اتى-جوندەرىن اسىقپاي قاراپ شىقتىق. بارلىعى دەرلىك وزىمىزگە بالا كەزدەن تانىس ەسىمدەر. زامانبەك باتتالحانوۆ – سوعىس ارداگەرى, كەزىندە الماتى وبلىسىنىڭ بىرنەشە اۋدانىنا باسشىلىق جاساعان, مەملەكەت جانە قوعام قايراتكەرى. اۋباكىر سابيروۆ سوعىستا كورسەتكەن ەرلىكتەرى ءۇشىن بىرنەشە وردەن-مەدالدارمەن ناگرادتالعان ەرجۇرەك بارلاۋشى. ءموردىن تايىپوۆ – سوعىس ارداگەرى جانە ەڭبەك ارداگەرى. ەلىمىز تاۋەلسىزدىك العاننان كەيىن بۇل كىسىگە حالىق قاھارمانى جوعارى اتاعى بەرىلدى. مىرقاسىم ورازاليەۆ, ۆاجيت تاۆاكيلوۆ – مايداننان جەڭىسپەن ورالعاننان كەيىن ۇزاق جىلدار بويى مۇعالىم بولىپ, ءشاكىرتتەر تاربيەلەگەن ۇلاعاتتى ۇستازدار ەدى.
ەكىنشى دۇنيەجۇزىلىك سوعىستىڭ جەڭىسپەن اياقتالعانىنا 68 جىلدان استى. جەڭىستى جاقىنداتۋعا ۇلكەن ديقان اۋىلىنان مايدانعا اتتانعان 144 ازامات تا وزىندىك ۇلەس قوستى. وسى اعالارىمىزدىڭ باسىم كوپشىلىگى وتان قورعاۋ جولىندا مەرت بولىپ, تۋعان جەرىنە ورالمادى. ولارعا تۋعان ەلدىڭ, تۋعان جەردىڭ توپىراعى بۇيىرمادى. وسى ەسكەرتكىش, بىرىنشىدەن, سول ازاماتتاردىڭ ەسىمىن ماڭگى ەستە قالدىرۋ ءۇشىن تۇرعىزىلىپ وتىر دەگەنىمىز ءجون شىعار.
– بۇل ءبىر يگىلىكتى دە ساۋاپتى ءىس بولدى, بالام, – دەدى سوعىس جانە ەڭبەك ارداگەرى ءابدۋالى قىرىقباەۆ بىزبەن اڭگىمەسىندە. – ەسكەرتكىشتە اتى-جوندەرى جازىلعان اۋىلداستارىمنىڭ بارلىعىن بىلەمىن. بىرازىمەن كەزىندە ەگىن دە وردىق, ءشوپ تە شاپتىق, جەر دە جىرتتىق. ەڭ الدىمەن, بۇل ءبىزدىڭ جاستارىمىز ءۇشىن, بولاشاق ۇرپاق ءۇشىن ۇلگى-ونەگە بولاتىنى انىق. وسىنىڭ بارلىعى اۋىزبىرلىكتىڭ, ىنتىماقتىڭ ارقاسىندا جۇزەگە اسىپ وتىر. اللا تاعالا ءبىزدى سودان اجىراتپاسىن.
ەسكەرتكىشتە ەسىمدەرى جازىلعان 469 ادامنىڭ 325-ءى سوعىس كەزىندە تىلدا جانە ودان كەيىنگى جىلدارى شارۋاشىلىقتىڭ ءار سالاسىندا ەڭبەك ەتكەن جاندار ەكەن. مىسالى, ءسالىم شورماقوۆتى الايىق. ءسالىم اعا جاستايىنان شوپاننىڭ اق تاياعىن قولىنا ۇستاپ, 40 جىلدان استام ۋاقىت مال باقتى, مەملەكەت داۋلەتىن ارتتىرۋعا زور ۇلەس قوستى. سول ەڭبەكقورلىعىنىڭ ارقاسىندا بەس وردەندى ومىراۋىنا تاقتى. بىرنەشە رەت پارتيا سەزدەرىنە دەلەگات بولىپ سايلاندى, دەپۋتات رەتىندە تالاي مارتە حالىق سەنىمىن ارقالادى. ول كىسى ەڭ جوعارى ناگراداعا ابدەن لايىق ەدى. نەگە ەكەنى بەلگىسىز, ءسالىم شورماقوۆقا سوتسياليستىك ەڭبەك ەرى اتاعى بەرىلمەدى.
ەسكەرتكىشتەگى ادامدار اتى-جوندەرىن وقىپ كەلە جاتقاندا, «جىلىباەۆا بيبيشا» دەگەن تاستاعى جازۋ كوزىمىزگە وتتاي باسىلعانىن جاسىرا المايمىز. ويتكەنى, ستۋدەنت كەزىمىزدە بيبيشا اپامىزدىڭ ءومىر جولى, ەڭبەك جولى جونىندە جازعان سۋرەتتەمە تەكتەس ماقالامىز الماتى وبلىستىق «جەتىسۋ» گازەتىندە جاريالانعان ەدى. بيبيشا اپا ۇزاق جىلدار بويى قولىنان كەتپەنىن, ايا
