«20 مامىردا قازاقستاندىق مەترولوگتار الەمدىك كاسىبي قاۋىمداستىقپەن بىرگە دۇنيەجۇزىلىك مەترولوگيا كۇنىن اتاپ وتەدى. مەرەكە 1875 جىلى پاريجدەگى مەتريكالىق كونۆەنتسياعا قول قويۋ كۇنىنە ورايلاستىرىلىپ, ونەركاسىپتىك, كوممەرتسيالىق جانە قوعامدىق قولدانۋداعى ولشەمدەر تۋرالى عىلىم سالاسىنداعى جاھاندىق ىنتىماقتاستىقتىڭ نەگىزىن قالادى.
بۇگىندە قازاقستان حالىقارالىق دەڭگەيدە تانىلعان ءتيىمدى مەترولوگيالىق ينفراقۇرىلىمعا يە ەكەندىگىن باسا ايتقىم كەلەدى.
قالىپتاسقان ءداستۇر بويىنشا حالىقارالىق ولشەمدەر مەن تارازىلار بيۋروسى جاھاندىق ساۋداعا ارنالعان ولشەمدەر دەگەن 2020 جىلدىڭ ۇرانىن انىقتادى.
تاڭدالعان تاقىرىپتىڭ قازاقستان ءۇشىن دە وزەكتىلىگىن اتاپ وتكىم كەلەدى. ءبىزدىڭ ەلىمىزدە العاش رەت وتكەن جىلدىڭ ماۋسىم ايىندا ساۋدا جانە ينتەگراتسيا مينيسترلىگى قۇرىلدى, بۇل ۇلتتىق برەندتەر مەن تاۋارلاردىڭ الەمدىك نارىقتارعا شىعۋىنىڭ مەملەكەت ءۇشىن ماڭىزدىلىعىن بىلدىرەدى.
ساۋدانىڭ ءادىل بولۋىنا ىقپالىن, ونىمگە بەرىلگەن سەرتيفيكاتتارعا سەنىمدى, باسەكەگە قابىلەتتىلىكتى ارتتىرۋدى جانە قازاقستاندىق ءونىمنىڭ حالىقارالىق تانىلۋىن قامتاماسىز ەتۋدەگى مەترولوگيانىڭ ءرولىن اسىرا باعالاۋ قيىن.
مەترولوگيا اككرەديتتەۋمەن, ستاندارتتاۋمەن جانە سايكەستىكتى باعالاۋمەن قاتار ۇلتتىق ساپا جۇيەسىنىڭ نەگىزگى كومپونەنتتەرىنىڭ ءبىرى بولىپ تابىلاتىنىن ەسكەرە وتىرىپ, مينيسترلىك سالانى دامىتۋمەن اينالىسۋدى جالعاستىرۋدا.
قۇرمەتتى ارىپتەستەر!
رەسپۋبليكامىزدىڭ بارلىق ماماندارىن, سونداي-اق مەترولوگيا ىسىنە ءوز تالانتىن, ءبىلىمى مەن تاجىريبەسىن ارناپ جۇرگەن شەتەلدىك ارىپتەستەرىمىزدى كاسىبي مەرەكەمەن قۇتتىقتايمىن!
سىزدەرگە تابىستار مەن جاڭا جەتىستىكتەر تىلەيمىن» دەلىنگەن حابارلامادا.
