امەريكا قۇراما شتاتتارىندا جىل سايىن تۇتىنۋشىلاردان سۇرالىپ, سمارتفونداردىڭ قاناعاتتانۋشىلىق يندەكسى تۇزىلەدى. كوڭىلدەگىدەي گادجەتتەر سانى بويىنشا Apple جەڭسە, قۇرىلعىلار اراسىندا Samsung كومپانياسىنىڭ 2018 جىلعى فلاگمانى ۇزدىك بولىپ تانىلعان.
ساۋالنامانى كەلىسىم بەرگەن بارلىق گادجەت يەلەرىنەن العان ەكەن. كوپتەگەن ادامنان ءوز قۇرىلعىسىنا قانشالىقتى ريزا ەكەندىگى سۇرالعان. Appleinsider.com پورتالىنىڭ حابارلاۋىنشا, اتالعان شارا بىلتىرعى 15 ساۋىردەن بيىلعى 20 ناۋرىزعا دەيىن وتكىزىلگەن جانە وعان 27 مىڭ ادام قاتىسقان.
وندىرۋشىلەر رەيتينگىندە Apple ونىمدەرىنە ريزا كليەنتتەردىڭ ۇلەس سالماعى 82%-دى قۇراسا, Samsung Galaxy - 81% جانە ءۇشىنشى-ءتورتىنشى ورىندارداعى LG مەن Motorola كورسەتكىشتەرى سايكەسىنشە 79% جانە 77%.
ەندى جەكەلەي سمارتفوندار اراسىنداعى تارتىسقا كەلسەك, ەڭ ءساتتى گادجەت بولىپ Samsung الپاۋىتىنىڭ 2018 جىلعى سۋپەرقۇرىلعىسى Galaxy Note9 تانىلدى. وعان ريزا قوجايىندار 85% بولىپ وتىر. ەكىنشى ورىندا iPhone XS Max, Galaxy S9+ جانە Galaxy S10 سياقتى ءۇش بىردەي فلاگمان. ول ۇشەۋىنىڭ يندەكسى - 84%. ءبىر قىزىعى, ەڭ سوڭعى شىققان Galaxy Note10 نەمەسە جاپ-جاڭا iPhone 11 رەيتينگكە مۇلدە كىرمەي قالعان.
