قوعام • 20 مامىر، 2020

ەلوردا تۇرعىنىنان ءىرى كولەمدە ەسىرتكى تاركىلەندى (ۆيدەو)

24 رەت كورسەتىلدى

2020 جىلعى 13 مامىردا ۇقك نۇر-سۇلتان قالاسى بويىنشا دەپارتامەنتى جاسىرىن تەرگەۋ ءىس-قيمىلدارىن جۇرگىزۋ كەزىندە ۋاقىتشا تۇرعىلىقتى جەرىندە سينتەتيكالىق ەسىرتكى جاساۋدى جانە ولاردى «قويىلما» دەپ اتالاتىن جولمەن ساتۋدى ۇيىمداستىرعان «س» دەگەن ازاماتىن ۇستادى. بۇل تۋرالى ۇقك ءباسپاسوز قىزمەتى حابارلادى.

جاسىرىن ەسىرتكى زەرتحاناسىندا ءتىنتۋ ناتيجەسىندە شامامەن 2 كگ «A-PVP» سينتەتيكالىق ەسىرتكىسى («قارا نارىقتاعى» قۇنى شامامەن 34 ملن تەڭگەنى قۇرايدى)، وراۋ ماتەريالدارى، شىنى قۇتىلار، ماگنيتتى ارالاستىرعىش، سورعىلار، تۇتىكشەلەر، شىنى تسيليندرلەر، رەسپيراتورلىق بەتپەردەلەر، ەلەكتروندىق تارازى، 2 كگ رەاگەنت، 40 ليتر ءارتۇرلى پرەكۋرسور جانە زەرتحانالىق جاعدايدا پسيحوتروپتىق زاتتار جاساۋ كەزىندە قولدانىلاتىن وزگە دە ايلابۇيىمدار الىندى.

«س» دەگەن ازامات قر قىك 128-بابىنىڭ تارتىبىندە نۇر-سۇلتان ق. پد ۋۇي-عا قامالدى. سوتقا دەيىنگى تەرگەۋ جالعاسۋدا.

سوڭعى جاڭالىقتار

ۇقساس جاڭالىقتار