«اۆتوبۋس سالونىنا كىرەر الدىندا جولاۋشىلار بەتپەردە كيۋ كەرەك. ءبىز, ەرىكتىلەر, قالا تۇرعىندارىن سانيتارلىق نورمالاردى قاتاڭ ساقتاۋعا شاقىرامىز. ەگەر جولاۋشىلاردا ماسكا بولماسا, ءبىز ولاردى تەگىن ۇسىنامىز. بۇل ءبىر رەتتىك ەمەس, جۇيەلى ناۋقان, ول كارانتيننىڭ بۇكىل كەزەڭىندە جالعاسادى. سونىمەن قاتار قالا تۇرعىندارىنا تەك ايالداما پاۆيلوندارىندا عانا ەمەس, ساياباقتاردا, ءدامحانالاردا, ساۋدا ورتالىقتارىندا دا حابارلايتىن بولامىز», – دەيدى ەرىكتى ايان ەرمەنتاەۆ.
⠀
ءوز كەزەگىندە نۇر-سۇلتان قالالىق جەرگىلىكتى پوليتسيا قىزمەتى باسقارماسىنىڭ ءبولىم باستىعى ازامات سادىقوۆ 11 مامىردان باستاپ قالاداعى توتەنشە جاعداي رەجيمى الىنىپ تاستالعانىنا قاراماستان, كارانتين ءالى ساقتالاتىنىن اتاپ ءوتتى.
⠀
«پوليتسيا دەپارتامەنتىنىڭ قىزمەتكەرلەرى تۇسىندىرمە جۇرگىزۋدە. بۇگىن ەرىكتىلەرمەن بىرگە ازاماتتار كوپ جينالاتىن جەرلەردە بەتپەردە تاراتامىز. اكتسيانىڭ ماقساتى ازاماتتارعا كوروناۆيرۋس ينفەكتسياسىن جۇقتىرۋ قاۋپى بار ەكەنىن ءتۇسىندىرۋ», – دەپ اتاپ ءوتتى ا. سادىقوۆ.
