جالپى وتىرىستا ءماجىلىس دەپۋتاتى قانات مۋسين اتالعان زاڭ جوباسى بويىنشا زاڭناما جانە سوت, قۇقىقتىق رەفورما كوميتەتى پارلامەنت سەناتى ەنگىزگەن وزگەرىستەر مەن تولىقتىرۋلاردى مۇقيات قاراپ شىققانىن ايتىپ, بىرقاتار ماسەگە توقتالدى.
– سەناتتىڭ تۇزەتۋلەرى ءماجىلىس ماقۇلداعان تۇجىرىمداما مەن مازمۇندى وزگەرتپەيدى, ءارى ونىڭ جەكەلەگەن نورمالارىن جاقسارتۋعا باعىتتالعان. اتاپ ايتقاندا, رەسپۋبليكالىق ماڭىزى بار قالالاردىڭ, استانانىڭ جانە وبلىستاردىڭ اكىمشىلىك ورتالىق اۋداندارىندا بەيبىت جينالىستاردى ۇيىمداستىرۋدىڭ ارنايى ورىندارىنىڭ مىندەتتى سانىن بەلگىلەۋ, تۇرمىس-تىرشىلىك نىساندارىنىڭ, كولىك پەن وزگە دە ينفراقۇرىلىمنىڭ جۇمىس ىستەۋىنىڭ بۇزىلۋى, ازاماتتاردىڭ ەركىن ءجۇرىپ-تۇرۋىنا كەدەرگى كەلتىرۋ سياقتى بەيبىت جينالىستى وتكىزۋدەن باس تارتۋ نەگىزىن الىپ تاستاۋ ۇسىنىلادى. ويتكەنى مۇنداي كەدەرگىلەردى بيلىك ناقتى ءارى ارنايى ورىندى بەلگىلەۋ كەزىندە ەسكەرۋى جانە ولاردىڭ الدىن الۋى ءتيىس. ەگەر مۇنداي بۇزۋشىلىقتار جويىلسا, بەيبىت جينالىسقا جەكەلەگەن قاتىسۋشىلاردىڭ قۇقىققا سىيىمسىز ارەكەتتەرىنە بايلانىستى جينالىستى توقتاتۋعا بولعىزباۋ جانە بەيبىت جينالىس بارىسىندا دەنساۋلىقتى قورعاۋعا ارنالعان جەكە قورعانىس قۇرالدارىن پايدالانۋعا رۇقسات بەرۋ ۇسىنىلادى. سونىمەن قاتار زاڭ جوباسىنىڭ جەكەلەگەن نورمالارىنىڭ قۇرىلىمىن جەتىلدىرۋ ماقساتىندا تۇزەتۋلەر ەنگىزىلدى, – دەدى قانات مۋسين.
ءماجىلىس دەپۋتاتتارى بۇل زاڭ جوباسىنا سەنات ەنگىزگەن وزگەرىستەر مەن تولىقتىرۋلاردى قولداپ, داۋىس بەردى.
