سونىمەن قاتار, تەاتردىڭ جەتەكشى ءسوليستى ديلارا شوماەۆا, شاقىرىلعان قوناقتارمەن بىرگە, تەاتر رەپەرتۋارىنداعى سپەكتاكلدەردىڭ قۇپيا بەلگىلەرى مەن مازمۇنىنىڭ سىرىن اشادى.
10-مامىردا شىققان العاشقى حابار تەاتر تاريحىنا ارنالدى. مىڭداعان جىل ىشىندە ساحنانىڭ قانشالىقتى وزگەرىسكە ۇشىراعانى جانە ونىڭ قازىرگى كۇيى ءسوز بولدى. حاباردىڭ قوناعى «استانا بالەت» تەاترىنىڭ جەتەكشى ءسوليستى دارينا قايراشەۆامەن سۇحبات بارىسىندا, وتاندىق حورەوگراف مۋكارام ءاۆاحريدىڭ «سالومەيا» ءبىر اكتىلى بالەتىنىڭ كوكەمدىك بەزەندىرىلۋ ەرەكشىلىگى مەن حورەوگرافياسى جايلى اڭگىمە قوزعالدى.
22-مامىر, ساعات 20:00 كورسەتىلەتىن ەكىنشى حاباردىڭ قوناعى – «استانا بالەت» تەاترىنىڭ قويۋشى-حورەوگرافى, قازاقستاننىڭ ەڭبەك سىڭىرگەن قايراتكەرى ايگۇل ءتاتي بولماق. سۇحبات بارىسىندا, تەاترداعى ۇلتتىق ناقىشتاعى دۇنيەلەر جايلى, جالپى, قازاق ءبيىنىڭ بولاشاعى جايلى ءسوز قوزعالماق. سونىمەن بىرگە, كورەرمەن قاۋىم كونە زاماننان وسى كۇنگە دەيىنگى ۇلتتىق حورەوگرافيانىڭ تاريحينان قۇلاعدار بولا الادى.
29-مامىر, ساعات 20:00 كورسەتىلەتىن ءۇشىنشى حاباردا تەاترعا بارۋ ءداستۇرى ءسوز بولماق. ياعني, ب.ز.د. 5 عاسىرداعى ەرەجەلەر مەن قازىرگى كەزدە قالىپتاسقان ءتارتىپ, سونىمەن بىرگە, وزگە دە دۇنيەلەر اينالاسىندا اڭگىمە ءوربيدى. حابار قوناعى - «استانا بالەت» تەاترىنىڭ حورەوگرافى ريكاردو امارانتەمەن بىرگە, ونىڭ بىرەگەي قويىلىمدارىنىڭ اتموسفەراسىنا ەنىپ, جالپى, بالەت شىعارۋ ءۇردىسىنىڭ نيۋانستارى جايلى ايتىلادى.
