«ەكى ماسەلە قارالدى: ءبىرىنشىسى باعىنىشتى قىزمەتكەرلەردىڭ سىبايلاس جەمقورلىعى ءۇشىن باسشىنىڭ جاۋاپكەرشىلىگى تۋرالى قاراشا ايىنداعى تۇزەتۋلەرگە ءتۇسىندىرۋ;
ەكىنشىسى مەملەكەتتىك ورگانداردىڭ قىزمەتىندەگى سىبايلاس جەمقورلىق تاۋەكەلدەرىن قاراستىرۋ.
اگەنتتىكتىڭ سىبايلاس جەمقورلىققا قارسى جاڭا شارالاردى ءتۇسىندىرۋ بويىنشا جۇرگىزىپ جاتقان جۇمىسى اياسىندا ءىس-شاراعا قاتىسۋشىلارعا باعىنىشتى قىزمەتكەرلەردىڭ سىبايلاس جەمقورلىعى ءۇشىن باسشىنىڭ جاۋاپكەرشىلىگى تۋرالى تۇزەتۋلەر جەتكىزىلدى.
ءماجىلىستى اشا وتىرىپ, سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.ا. بەكتەنوۆ اتالعان ينستيتۋتتىڭ مەملەكەت باسشىسىنىڭ تاپسىرماسى بويىنشا زاڭناماعا ەنگىزىلگەنىن اتاپ ءوتتى.
ودان ءارى ول وسى ينستيتۋتتى ىسكە اسىرۋ تەتىگىنە توقتالدى.
ا.ق. جۇماعاليەۆ مينيسترلىكتىڭ باسشىلىق قۇرامىن ورتالىق اپپاراتتا جانە وعان ۆەدومستۆولىق باعىنىستى بارلىق ۇيىمداردا سىبايلاس جەمقورلىققا قارسى مادەنيەتتى ىلگەرىلەتۋ بويىنشا شارالار قابىلداۋعا شاقىردى.
ءماجىلىس بارىسىندا حالىققا قىزمەت كورسەتۋ كەزىندە مەملەكەتتىك ورگانداردىڭ قىزمەتىندەگى سىبايلاس جەمقورلىق تاۋەكەلدەرى ايتىلدى.
و.ا. بەكتەنوۆ اتاپ وتكەندەي: «مەملەكەتتىك ورگاندار حالىققا قىزمەت كورسەتۋدە, ونىڭ ىشىندە باقىلاۋ-قاداعالاۋ فۋنكتسيالارىن ىسكە اسىرۋ كەزىندە اقپاراتتىق رەسۋرستاردى جەتكىلىكتى دەڭگەيدە ءتيىمدى پايدالانبايدى.
جوعارى سىبايلاس جەمقورلىق تاۋەكەلدەرى جەر بەرۋ راسىمدەرىندە بار. سونىڭ سالدارىنان جىل سايىن وسى سالادا جۇزدەگەن سىبايلاس جەمقورلىق قىلمىستارى تىركەلەدى».
وسى رەتتە بايانداماشى گەوپورتالداردى جەدەل ەنگىزۋدىڭ ماڭىزدىلىعىن, بۇل مينيسترلىكتىڭ باسقا دا ۋاكىلەتتى مەملەكەتتىك ورگاندارمەن بىرلەسكەن باسىم مىندەتى بولۋى ءتيىس ەكەنىن اتاپ ءوتتى.
ا.ق. جۇماعاليەۆ اگەنتتىكتىڭ ۇستانىمىن قولداي كەلە «مەملەكەتتىك قىزمەتتەردى تسيفرلاندىرۋدىڭ 82%-ى تۇرمىستىق سىبايلاس جەمقورلىق كورىنىستەرىن بارىنشا جوققا شىعارعانىن» اتاپ ءوتىپ, جەرگىلىكتى اتقارۋشى ورگاندار مەن مينيسترلىكتەردىڭ قىزمەتىندە اشىقتىقتى قامتاماسىز ەتۋ بويىنشا بىرلەسكەن جۇمىسقا دايىن ەكەندىگىن ءبىلدىردى.
و.ا. بەكتەنوۆ ءوز ءسوزىن قورىتىندىلاي كەلە, قوعامنىڭ بارلىق ءومىر ءسۇرۋ سالاسىنا تسيفرلىق تەحنولوگيالاردى ەنگىزۋ ەلدەگى سىبايلاس جەمقورلىق دەڭگەيىن تومەندەتۋدىڭ باستى فاكتورلارىنىڭ ءبىرى بولىپ تابىلاتىنىن اتاپ ءوتتى» دەلىنگەن حابارلامادا.
