ۇكىمەت • 15 مامىر، 2020

اسقار مامين شىعىس قازاقستان وبلىسىنا ءىس-ساپارمەن باردى

56 رەت كورسەتىلدى

پرەمەر-مينيستر اسقار مامين جۇمىس ساپارى اياسىندا شىعىس قازاقستان وبلىسىنىڭ  كوكتەمگى ەگىس جۇمىستارى مەن ەنەرگەتيكا، ونەركاسىپ، تۇرعىن ءۇي جانە الەۋمەتتىك ينفراقۇرىلىم سالالارىنداعى ءىرى جوبالاردى ىسكە اسىرۋ بارىسىن تەكسەردى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

التاي اۋدانىندا ۇكىمەت باسشىسى «نيۆى التايا» جشس-ءنىڭ ەگىس القاپتارىنىڭ قۇرىلىمىمەن جانە كوكتەمگى دالا جۇمىستارىنىڭ بارىسىمەن، تۇرعىسىن سەس قۇرىلىسىمەن، سونداي-اق التاي قالاسىنىڭ اۋدانارالىق اۋرۋحاناسىنىڭ ينسۋلتتىك جانە كارديو ورتالىقتارىنىڭ قىزمەتىمەن تانىستى.

وسكەمەن قالاسىندا پرەمەر-مينيستر قر-نىڭ ءىرى ماشينا جاساۋ جانە مەتاللۋرگيا كاسىپورىندارىنا — وسكەمەن ونەركاسىپتىك ارماتۋرا زاۋىتى مەن وسكەمەن تيتان-ماگني كومبيناتىنا بارىپ، ولاردى ودان ءارى دامىتۋ جوسپارلارىمەن تانىستى.

ۇكىمەت باسشىسى وسكەمەن قالاسىنىڭ جاڭا شاعىن اۋدانىنداعى «نۇرلى جەر» مەملەكەتتىك باعدارلاماسى اياسىندا سالىنىپ جاتقان الەۋمەتتىك تۇرعىن ءۇي قۇرىلىسىن تەكسەردى. مۇندا جالپى اۋدانى 400 مىڭ شارشى مەترگە جۋىق 48 ءۇي سالۋ جوسپارلانعان.

د. سەرىكباەۆ اتىنداعى شىعىس قازاقستان مەملەكەتتىك-تەحنيكالىق ۋنيۆەرسيتەتىنە بارعان كەزدە ۇكىمەت باسشىسىنا عىلىمي-زەرتتەۋ جانە تاجىريبەلىك-كونسترۋكتورلىق، ونىڭ ىشىندە يمپورتتى الماستىرۋعا باعىتتالعان ازىرلەمەلەر ۇسىنىلدى.

ا. مامين وبلىستىق بالالار اۋرۋحاناسىنا بارىپ، وندا رەانيماتسيالىق جانە وپەراتسيالىق بلوكتاردىڭ جۇمىسىمەن، سونىمەن قاتار COVID-19-دان ەمدەۋ ءۇشىن يممۋندىق پلازما ءبولۋ جونىندەگى عىلىمي جوبامەن تانىستى.

سوڭعى جاڭالىقتار

ۇقساس جاڭالىقتار