تولەمدەردى وتەۋ كارانتين ەنگىزىلگەن اۋماقتاعى ەلدى مەكەندەردە جۇزەگە اسادى. ءوتىنىش بەرگەن كوممۋنالدىق قىزمەتتەردى جەتكىزۋشىمەن شارت وسى وتباسى مۇشەلەرىنىڭ ءبىرىنىڭ اتىندا بولۋى ءتيىس. اتاپ ايتقاندا, كومەكتى 1, 2 جانە 3 توپتاعى مۇگەدەكتەر, ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار, مۇگەدەك بالالاردى تاربيەلەۋشi وتباسىلار, كوپبالالى وتباسىلار, ەڭ تومەن جانە از زەينەتاقى الاتىن زەينەتكەرلەر, مەملەكەتتىك نەمەسە قوعامدىق مiندەتتەرiن, اسكەري قىزمەتiن ورىنداۋ كەزiندە, عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە, ادام ءومiرiن قۇتقارۋ كەزiندە, قۇقىق ءتارتiبiن قورعاۋ كەزiندە قازا تاپقان ادامداردىڭ وتباسىلارى, اتاۋلى الەۋمەتتىك كومەك الاتىن ازاماتتار, ونىڭ ىشىندە جالعىز باستى زەينەتكەرلەر الا الادى.
كوممۋنالدىق قىزمەتتەردى تولەۋ بويىنشا حالىقتىڭ تولەمدەرىن وتەۋ ءۇشىن تۇتىنۋشىلار (نەمەسە ولاردىڭ زاڭدى وكىلدەرى) «Telegram» مەسسەندجەرى ارقىلى «SmartTurkistanBot» بوتى ارقىلى نەمەسە اۋداندار مەن قالالارداعى call-ورتالىقتار ارقىلى جەكە سايكەستەندىرۋ ءنومىرىن, الەۋمەتتىك مارتەبەسىن جانە كوممۋنالدىق قىزمەت بويىنشا دەربەس شوتىنىڭ دەرەكتەرىن ۇسىنا وتىرىپ, ءوتىنىش بەرە الادى.
جوعارىداعى اتالعان ساناتتارعا جاتاتىن تۇتىنۋشىلارعا 15 مىڭ تەڭگەدەن 2 اي ء(ساۋىر, مامىر) مەرزىمى ءۇشىن تولەم جۇرگىزىلەدى. اتالعان كومەكتى الۋعا ءوتىنىم ءبىلدىرۋ مامىر-ماۋسىم ايلارى ارالىعىندا قابىلدانادى.
ايتا كەتەيىك, Telegram مەسسەندجەرىندە بوت تابۋ ءۇشىن ىزدەۋ جولىندا @SmartTurkistanBot تەرىپ, «باس ءمازىر» باتىرماسىن باسۋ قاجەت. بۇل قىزمەت حالىقتىڭ الەۋمەتتىك جاعىنان وسال توپتارىنا عانا ۇسىنىلادى.
