تسيفرلىق دامۋ مينيسترلىگىنىڭ مەملەكەتتىك قىزمەتتەر كوميتەتى توراعاسىنىڭ ورىنباسارى ادىلەت كوشەرباەۆ اتاپ وتكەندەي, مەملەكەتتىك تىزىلىمدە 694 قىزمەت بولسا, ونىڭ 49-ى انىقتاما.
«بۇگىنگى تاڭدا ازاماتتارعا وسى انىقتامالاردى ءبىر مەملەكەتتىك ورگانعا ۇسىنۋى ءۇشىن ونى ەكىنشى ءبىر مەملەكەتتىك ورگاننان سۇراۋىنا تۋرا كەلۋدە. بۇل قاعازباستىلىق پەن بيۋروكراتياعا اكەلەدى. سوندىقتان مەملەكەتتىك ورگانعاازاماتتىڭ رۇقساتىن الا وتىرىپ, ءوز ارىپتەستەرىنەن الا الاتىن بىرقاتار انىقتامانى جويۋ ۇسىنىلادى», - دەدى كوشەرباەۆ.
بۇل رەتتە مەملەكەتتىك ورگاندار اقپاراتتىق جۇيەلەردەگى دەرەكتەر بازاسىن ينتەگراتسيالاۋ ارقىلى قاجەتتى مالىمەتتەردى الا الادى. ال اقپاراتتى باسقا ادام نەمەسە نەگىزگى اقپاراتتىق جۇيەلەردى پايدالانۋعا رۇقساتى جوق ۇيىم سۇراتقان جاعدايدا, ازامات ءۇشىنشى تۇلعاسەرۆيسى ارقىلى ءوزى تۋرالى مالىمەتتەردى ۇسىنۋعا رۇقسات بەرە الادى نەمەسە باس تارتا الادى.
تىزىلىمنەن شىعارۋعا ۇسىنىلعانداردىڭ قاتارىندا «سوتتىلىقتىڭ بولۋى نەمەسە بولماۋى تۋرالى», «ۋاقىتشا ەڭبەككە جارامسىزدىعى», «مەملەكەتتىك جەر كاداسترىنان مالىمەتتەر بەرۋ» جانە ت. ب.انىقتامالار بار.
ۆەدومستۆوارالىق كوميسسيانىڭ توراعاسى – تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ وتىرىسقا قاتىسۋشىلاردىڭ نازارىن مەملەكەتتىك ورگانداردىڭ وسى پروتسەسكە تەحنيكالىق دايىندىعىنىڭ ماڭىزدىلىعىنا اۋداردى.
«مەملەكەت باسشىسى ءبىزدىڭ الدىمىزعا كەڭەس الۋ, انىقتاما الۋ جانە ءوتىنىش بەرۋ وپەراتسيالارىن ونلاينعا كوشىرۋ مىندەتىن قويدى. ءبىز بۇل تۇرعىدا مەملەكەتتىك قىزمەتتەردى پرواكتيۆتى تاسىلمەن كورسەتۋ كەرەك دەپ سانايمىز. سوندىقتان مەملەكەتتىك ورگان ءوزى الا الاتىن انىقتامانى جويۋىكەرەك. الايدا, بارلىق مەملەكەتتىك ورگاندار بۇعان تەحنيكالىق جاعىنان دايىن بولۋى كەرەك, سودان كەيىن قاجەتتى ينتەگراتسيانى ۋاقتىلى وتكىزبەۋىنە بايلانىستى جويىلعان انىقتامالاردى ازاماتتاردان تالاپ ەتپەۋى ماڭىزدى»,-دەپ قورتىندىلادى جۇماعاليەۆ.
كوميسسيانىڭ وسىنىڭ الدىنداعى وتىرىستارىنىڭ شەشىمىمەن 5 ءتۇرلى انىقتامانىڭ جويىلعانىن ايتىپ وتكەن ءجون. ولاردىڭ قاتارىندا: مەكەنجاي انىقتاماسى, جوعارى وقۋ ورنىن جانە ودان كەيىنگى ءبىلىمدى اياقتاماعان تۇلعالارعا انىقتاما بەرۋ جانە ت.ب. وسىنىڭ ناتيجەسىندە قاعاز قۇجات اينالىمىن 14 ملن قۇجاتقا قىسقارتۋ مۇمكىن بولدى.
بۇدان باسقا, ۆاك 25 انىقتامانى تىزىلىمنەن شىعارۋ تۋرالى شەشىم قابىلداعان ەدى, بۇگىنگى كۇنى وسى باعىتتا ۋاكىلەتتى مەملەكەتتىك ورگاندار تەحنيكالىق جانە زاڭ شارالارىن رەتتەۋدە. جىلدىڭ سوڭىنا دەيىن بۇل انىقتامالارجويىلماق.
سونىمەن قاتار, وتىرىستا ەڭبەك جانە حالىقتى الەۋمەتتىك قورعاۋ, مادەنيەت جانە سپورت, قارجى, ىشكى ىستەر, دەنساۋلىق ساقتاۋ جانە ت. ب. سالالارداعى مەملەكەتتىك قىزمەتتەردى وڭتايلاندىرۋ جانە اۆتوماتتاندىرۋ ماسەلەلەرى قارالدى.
