الماتى قالاسىندا «قازكونتەنت» اكتسيونەرلىك قوعامىنىڭ ۇيىمداستىرۋىمەن قىركۇيەكتىڭ 25-27-كۇندەرى ارالىعىندا وتەتىن «قالامگەر ازامات» رەسپۋبليكالىق جاس تىلشىلەردىڭ V فورۋمى «ەل ەڭسەسى – ەگەمەندىك» اتتى تاقىرىپپەن ءوز جۇمىسىن باستادى.
الماتى قالاسىندا «قازكونتەنت» اكتسيونەرلىك قوعامىنىڭ ۇيىمداستىرۋىمەن قىركۇيەكتىڭ 25-27-كۇندەرى ارالىعىندا وتەتىن «قالامگەر ازامات» رەسپۋبليكالىق جاس تىلشىلەردىڭ V فورۋمى «ەل ەڭسەسى – ەگەمەندىك» اتتى تاقىرىپپەن ءوز جۇمىسىن باستادى.
فورۋمنىڭ باستى ماقساتى – جاستاردى وتانسۇيگىشتىككە, ەلجاندىلىققا شاقىرا وتىرىپ ولاردىڭ جۇرەگىنە پاتريوتتىق سەزىم ورناتۋعا ۇلەس قوسۋ, سونداي-اق, وسكەلەڭ ۇرپاقتىڭ كاسىبي بىلىكتىلىگىن شىڭدايتىن زاماناۋي زاڭدىلىقتاردى مەڭگەرۋگە مۇمكىندىك تۋعىزۋ, دەيدى ۇيىمداستىرۋشىلار.
اتالمىش فورۋمعا جۋرناليستيكا سالاسىندا العاشقى قادامىن باستاعان 18-25 جاس ارالىعىنداعى جاس قالام يەلەرى قاتىسۋدا. ولار «قازاق ءباسپاسوزىنىڭ دامۋى», «تەلەباعدارلامالار مەن جاڭالىقتار سيۋجەتتەرىنىڭ بۇگىنگى ساپاسى قاي دەڭگەيدە؟», «قازاق تىلىندەگى ينتەرنەت رەسۋرستارىنىڭ دامۋى», «Creative Commons ليتسەنزيالارى مەن ونى قازاقستاندىق كەڭىستىكتە قولدانۋ ماسەلەلەرى» جانە «مۋلتيمەديالىق جۋرناليستيكا» اتتى تاقىرىپتاردى قاۋزايتىن القالى پىكىرالماسۋلار مەن ءتۇرلى سەمينار-ترەنينگتەرگە قاتىساتىن بولادى.
مادەنيەت جانە اقپارات مينيسترلىگى, الماتى قالاسى اكىمدىگى مەن مەملەكەتتىك ءتىلدى دامىتۋ پرەزيدەنتتىك قورى قولداۋ كورسەتىپ وتىرعان فورۋم جاس تىلشىلەرگە اقپاراتتىق تاجىريبە الماسۋ باعىتىندا ءتۇرلى سالادا قالام تەربەۋگە, جۋرناليستيكانىڭ قىر-سىرىن ۇيرەنۋگە كەڭ جول اشادى.
قانات ەسكەندىر,
«ەگەمەن قازاقستان».
الماتى.
