بارلىعى 15 تەكشە مەتر سۋ سورىلدى. دەپارتامەنتتە شۇعىل تۇردە شتاب قۇرىلدى. ساعات 22.15 -تە دوستىق اۋىلىن سۋ الا باستاعاندىقتان, تۇرعىندار ەۆاكۋاتسيالانا باستادى. لەڭگىر قالاسىنداعى ت.تاجىباەۆ اتىنداعى مەكتەپ پەن كيەلى تاس اۋىلىنداعى سۇلتان رابات مەكتەبىندە ەۆاكۋاتسيالىق ورتالىقتار قۇرىلدى.
وقيعا ورنىنا «ەگەمەن قازاقستان» گازەتىنىڭ ءتىلشىسى عالىمجان ەلشىباي ارنايى بارىپ, ءمان-جايعا قانىق بولدى.
«قۇلاعان كوپىردى تولىققاندى جوندەۋ بولماسا دا, تۇرعىنداردىڭ قارىم-قاتىناس جاساۋىنا قولايلى بولۋ ءۇشىن العاشقى كومەك كورسەتۋ شۇعىل تۇردە باستالىپ كەتتى», - دەدى عالىمجان ەلشىباي.
قاسقاسۋ اۋىل وكرۋگى اكىمىنىڭ ايتۋىنشا, قازىرگى تاڭدا اپات زاردابىن جويۋ جۇمىستارى ءجۇرىپ جاتىر.
«قازىرگى جاعدايدا قاسقاسۋ اۋىلىندا 108 وتباسى, 761 حالىق تۇرادى. قاتتى جاۋىن اسەرىنەن تاۋدان اققان اعىن سۋ قاسقاسۋ مەن سىرعاناق وزەندەرىنىڭ ارناسىنان تاسۋىنا سەبەپ بولدى» , - دەدى قاسقاسۋ اۋىل وكرۋگىنىڭ اكىمى تالعات قامىتبەك.
