شىنتۋايتىندا تاپسىرۋعا ءتيىس قۇجاتتار ءتىزىمى دە اناۋ ايتقانداي كوپ ەمەس ەكەن. مۇنىڭ ءوزى اسكەريلەردىڭ ۋاقىتىن ۇنەمدەپ, جۇيكەلەرىنە ۇلكەن سالماق سالمايدى.
–وتباسى مۇشەلەرىنىڭ جەكە كۋالىكتەرى مەن جۇمىستان انىقتاماسى بولسا جەتىپ جاتىر,–دەيدى 5510 اسكەري ءبولىمىنىڭ باتالون كومانديرى ازامات دانياروۆ.
10 جىلعا جۋىق پاتەر جالداپ جۇرگەن وتباسى مۇنداي مۇمكىندىكتىڭ بۇيىرعانىنا ريزاشىلىقتارىن بىلدىرۋدە. رەسپۋبليكا بويىنشا اسكەري قىزمەتكەرلەرگە سوڭعى ەكى جىلدا 6600 نەسيە بەرىلگەن بولاتىن. بيىل بانك تاراپىنان تاعى 60 ميلليارد تەڭگە ءبولىنىپ وتىر. ەندى 3300 اسكەري مامان باسپاناعا يە بولادى.
ء–بىزدىڭ وبلىسقا 48 ادامعا ليميت بەرىلگەن. بانك ىرىكتەۋدى ءوزى جاسايدى. ياعني ءوتىنىم بەرگەن كليەنتتەر ىشىنەن كىمنىڭ بانكتە جيناعى كوپ بولسا, سونى تاڭداپ الادى. جانە باعدارلاماعا مىندەتتى تۇردە مەملەكەتتەن ارنايى تولەماقى الاتىن اسكەري قىزمەتكەرلەر عانا قاتىسا الادى,–دەيدى «تۇرعىن ءۇي قۇرىلىس جيناق بانكى» ءبولىم جەتەكشىسىنىڭ مىندەتىن اتقارۋشى داۋلەت جۇمان.
وسىلايشا, مەملەكەت اسكەريلەردى نازاردان تىس قالدىرماي, مۇمكىندىگىنشە قولداۋ تانىتۋدا.
اقمولا وبلىسى
