كوروناۆيرۋس تارالا باستاعاندا بۇل كومپانيا العاشقىلاردىڭ ءبىرى بولىپ جۇمىسكەرلەرىن قاشىقتان جۇمىس ىستەۋگە جىبەرگەن ەدى. ەندى كەرى ءۇردىس بىرتىندەپ جۇزەگە اسپاقشى. ول ءۇشىن قازىرگى قاڭىراپ قالعان وفيستەردى بىرتىندەپ جانداندىرۋ جوسپاردا بار. بىراق بيىل بۇقارالىق سيپاتتاعى ءىس-شارالار مەن ءىسساپارلار بولمايدى.
دجەك دورسيدىڭ پايىمداۋىنشا6 ۇيدەن وتىرىپ جۇمىس ىستەۋ كومپانيا ءۇشىن اناعۇرلىم ءتيىمدى بولعان كورىنەدى. قاشىقتان جۇمىس ىستەپ جاتقان بارلىق مامان وندىرىستىك قاجەتتىلىككە كەرەك بارلىق جاعدايمەن قامتاماسىز ەتىلگەن. سوندىقتان دا تۋيتتەرلىكتەر وفيس جالداعاننان كورى, وعان كەتەتىن قارجىنى باسقا باعىتقا بۇرىپ كورسەك دەگەن نيەتتە. كومپانيا قازىرگى جالداپ وتىرعان وفيستەرىنىڭ جارتىسىن بوساتۋى دا مۇمكىن.
اپىلدىكتەر كەرىسىنشە جاقىن ارادا وفيستەرىنە ورالماقشى بولىپ وتىر. Apple كومپانياسىنىڭ بىرقاتار قىزمەتكەرلەرى پاندەمياعا قاراماستان توپتاسىپ جۇمىس ىستەيتىن رەجيمگە ورالماقشى.
الەمنىڭ ءار ەلىندەگى جاعدايعا بايلانىستى قىزمەتكەرلەر بىرتىندەپ گرافيكپەن وفيستەرگە قايتارىلماقشى. ويتكەنى كەيبىر ماماندار قاشىقتان جۇمىس ىستەۋدىڭ ولار ءۇشىن ءتيىمدى ەمەس ەكەندىگىن ايتقان. بۇل دا كوماندالىق جۇمىستىڭ ءبىر قاجەتتىلىگى بولار؟
كومپانيا باسشىسى تيم كۋكتىڭ مالىمدەۋىنشە تاڭەرتەڭ جۇمىسقا كەلگەن بارلىق ادامداردىڭ دەنە قىزۋى تەكسەرىلەتىن بولادى جانە ماسكا تاعۋ مەن جاقىنداسپاي جۇمىس ىستەۋ مىندەتتەلەدى ەكەن.
