«بۇگىن قوستانايعا تاعى 55 مۇنايشى كەلەدى. ولاردىڭ بارلىعى «تەڭىزشەۆرويلدا» ۆاحتالىق ادىسپەن جۇمىس ىستەپ جۇرگەن قوستاناي وبلىسىنىڭ تۇرعىندارى. كەلگەن بەتتە اتالعان ازاماتتاردان ىندەت بەلگىلەرىنىڭ بار-جوعىن انىقتاۋ ماقساتىندا ساۋالداما الىنىپ, تەرمومەتريا جۇرگىزىلەتىن بولادى. سودان سوڭ ولار ۋاقىتشا وقشاۋلاۋ ورىندارىنا, وبلىس ورتالىعىنىڭ كارانتين ستاتسيونارلارىنا جەتكىزىلەدى. ول جەردە COVID-19-عا تەرەڭ زەرتتەۋ جۇرگىزۋ ءۇشىن تالداۋ الىنادى. زەرتتەۋ قورىتىندىسى تەرىس ناتيجە كورسەتكەن جاعدايدا, جازباشا قولحات الىنىپ, جۇمىسشىلار 14 كۇندىك ينكۋباتسيالىق كەزەڭ اياقتالعانعا دەيىن ءۇي كارانتينىنە جىبەرىلەدى. ال تالداۋ قورىتىندىسى وڭ ناتيجە كورسەتكەن جۇمىسشىلار ينفەكتسيالىق بولىمگە جاتقىزىلادى», - دەپ حابارلادى وبلىستىق جەدەل اقپارات شتابى.
قوستاناي وبلىسى
