شالعايدان جەتكەن جۇكتىڭ ىشىندە ءبىر رەت پايدالانۋعا ارنالعان 100 000 بەتپەردە, 5 000 مەديتسينالىق ماسكا, 1 000 قورعانىش كوزىلدىرىك, 10 تەپلوۆيزور, ەسىككە قوندىرىلاتىن 3 ينفراقىزىل تەرمومەتر جانە 50 تەرمودەتەكتور بار. گۋمانيتارلىق كومەك وبلىستىق دەنساۋلىق ساقتاۋ باسقارماسىنا بەرىلدى.
-بۇگىنگى تاڭدا ەلىمىزدەگى كارانتين ءتارتىبى وزگەرىسسىز قالىپ وتىر. سوندىقتان ىندەتكە قارسى مايداننىڭ الدىڭعى شەبىندە جۇرگەن مەديتسينا قىزمەتكەرلەرىنە كورسەتىلەتىن كومەك شارالارىن جالعاستىرا بەرۋ اسا ماڭىزدى. يگى شارادان كومپانيا اكتسيونەرلەرى دە تىس قالماي, ءبىزدىڭ باستامامىزدى قولداپ, كوروناۆيرۋسقا قارسى كۇرەسكە ۇلەس ءوز ۇلەستەرىن قوسىپ وتىر. ەلىمىزدە جاعداي تەزىرەك تۇراقتالىپ, كوپ كەشىكپەي بارلىق ءوندىرىس ورىندارى جۇمىسقا كىرىسەتىن كۇن كەلەر دەگەن ءۇمىتىمىز بار, - دەدى قوستاناي ماشينا جاساۋ زاۋىتىنىڭ باسشىسى سىرىم سەيسەمباەۆ.
دەنساۋلىق ساقتاۋ باسقارماسى ءباسپاسوز قىزمەتىنىڭ حابارلاۋىنشا, اكتسيونەرلەر جىبەرگەن قورعانىش قۇرالدارى ايماقتاعى مەديتسينا مەكەمەلەرىنە تاراتىلادى.
قوستاناي وبلىسى
