ايماقتار • 14 مامىر، 2020

بيىل قوستاناي وبلىسىندا 3 183 تۇلەك ۇبت تاپسىرادى

36 رەت كورسەتىلدى

بىرىڭعاي ۇلتتىق تەستىلەۋ بيىل 20 ماۋسىمدا باستالىپ، 5 شىلدەگە دەيىن سوزىلادى. بيىلعى ۇبت-عا وبلىستاعى مەكتەپ بىتىرەتىن تۇلەكتەردىڭ 71%-ى قاتىسپاق.

وقۋشىلاردىڭ ءبىلىم ساپاسىن تەستىلەۋ بارىسىندا سانيتارلىق قاۋىپسىزدىك تالاپتارى قاتاڭ ساقتالاتىن بولادى. بۇل تۋرالى ۇلتتىق تەستىلەۋ ورتالىعى وبلىستىق فيليالىنىڭ ديرەكتورى نۇرگەلدى حاسەنوۆ «Anticor.LIVE»-تىڭ تىكەلەي ەفيرى ارقىلى ايتتى.

«بيىل ۇبت-عا قاتىسۋشىلاردىڭ اراقاشىقتىعى كەم دەگەندە 2 مەتر بولۋى ءتيىس.  دارىسحانالارعا جىبەرىلەتىن ادامدار سانى 40-تان اسپاۋى شارت. سوندىقتان بۇل جىلى تەست تاپسىراتىن توپتاردىڭ سانى دا كوپ بولادى. بىزدەگى مالىمەت بويىنشا الداعى جازدا 3183 وقۋشى تەست تاپسىرادى. ەگەر تەست تاپسىرۋعا ءوتىنىش بەرىپ ۇلگەرمەگەندەر بولسا، 55-84-55 تەلەفونى ارقىلى ءالى دە بولسا ءوتىنىش بەرۋگە بولاتىنىن، يا بولمايتىنىن ءبىلىپ الۋعا بولادى. ءبىز ءار ادامنىڭ ماسەلەسىن جەكە قاراپ، وڭ شەشىم قابىلداۋعا تىرىسامىز»، - دەدى  فيليال باسشىسى.

تەست ماتەريالدارىن ۇلەستىرۋ بارىسىندا وقۋشىعا جاۋاپ پاراقشاسىنىڭ كوشىرمەسى قوسا بەرىلەتىن بولادى. تەست تاپسىرۋ بارىسىندا داۋلى سۇراقتار كەزدەسىپ قالسا، وقۋشى ونى وسى پاراقشاعا بەلگىلەپ وتىرۋ ءتيىس. 

تەستىلەۋ اياقتالعان سوڭ دۇرىس جاۋاپتاردىڭ كودى اقپاراتتىق تاقتاعا ىلىنەدى. تۇلەك وسى تاقتا ارقىلى ءوز جاۋابىنىڭ دۇرىس-بۇرىستىعىن سالىستىرا الادى.

بيىل تەست تاپسىرۋشىلارعا قويىلاتىن تالاپ تا قاتايا تۇسكەن. ماسەلەن، فيليال ديرەكتورىنىڭ ايتۋىنشا، دارىسحاناعا جاسىرىپ ۇيالى تەلەفون الىپ وتپەك بولىپ، ۇستالىپ قالعان تۇلەك سول جەردە تەست تاپسىرۋشىلار تىزىمىنەن  شىعارىلادى. مۇنداي وقۋشى ءبىر جىل بويى ۇبت-عا قاتىسۋ قۇقىنان ايىرىلادى.   

بيىلعى ەمتيحاندار سىبايلاس جەمقورلىققا قارسى كۇرەس قىزمەتىنىڭ ءجىتى قاداعالاۋىمەن وتەدى.

-تەست تاپسىرۋ بارىسىن بەلگىلى قوعام بەلسەندىلەرى مەن ارنايى مونيتورينگتىك توپتىڭ مۇشەلەرى باقىلايتىن بولادى. بۇل بارلىق  وقۋشىعا جوعارعى وقۋ ورىندارىنا ءتۇسۋ ءۇشىن تەڭ مۇمكىندىك بەرۋ ماقساتىندا جاسالىپ وتىر. بۇرىن تەستىلەۋ كەزىندە وقۋشىلارعا تەڭ جاعداي جاسالمايدى دەيتىن ءسوز شىعىپ قالاتىن. ال بۇگىندە بارشاعا ورتاق تەڭ مۇمكىندىك بار. سوندىقتان تۇلەكتەر تەك ءوز بىلىمىنە عانا سەنۋى كەرەك دەدى، سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ورىنباسارى دانيار سماعۇلوۆ.

 

 

قوستاناي وبلىسى

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار