قازىرگى تاڭدا ماقتاارال اۋدانى اتاكەنت كەنتىندە ورنالاسقان ورتالىق قويمادا 608 توننا ازىق-ت ۇلىك جينالعان. تاسقىننان زارداپ شەككەن تۇرعىندارعا بۇگىندە ونىڭ 126 تونناسى ۇلەستىرىلدى. قويماعا كۇندەلىكتى قازاقستاننىڭ ءار وڭىرىنەن گۋمانيتارلىق كومەك كەلۋدە. قازىرگى تاڭدا قويمادا 200 تونناعا جۋىق ۇن, 22 توننا ەت, 70 تونناداي كوكونىس, سونداي-اق, كورپە-توسەك پەن كيىم-كەشەك بار.
بۇدان بولەك, جاڭادان قۇرىلىسى جۇرەتىن تۇرعىن ۇيلەرگە قاجەتتى قۇرىلىس ماتەريالدارى دا جيناقتالدى. اتاپ ايتقاندا, قويماعا 20 000 دانا كىرپىش, 100 توننا تسەمەنت, 700-دەن استام اعاش, 108 قوراپ گيپسوكارتون, قۇرىلىس ۇنتاقتارى كەلگەن. اتالعان ماتەريالدار مىرزاكەنتتەگى بوي كوتەرىپ جاتقان جاڭا مولتەك اۋداننىڭ قۇرىلىسىنا جۇمسالادى.
ايتا كەتەرلىگى, ء«بىز بىرگەمىز» اكتسياسى اياسىندا ماقتاارالعا نۇر-سۇلتان مەن الماتى قالاسى, الماتى جانە جامبىل وبلىسى, اتىراۋ, اقتوبە, ماڭعىستاۋ, باتىس جانە شىعىس قازاقستان وبلىستارىنان جانە قازاقستان حالىق اسسامبلەياسى تاراپىنان كومەك كەلدى. سونداي-اق, جەكە كاسىپكەرلەر مەن ازاماتتار دا اتسالىسۋدا.
