ايماقتار • 13 مامىر، 2020

قوستاناي وبلىسىندا 12 مىڭنان استام بالا جازعى لاگەرلەردە تەگىن دەمالادى

36 رەت كورسەتىلدى

بۇل تۋرالى قوستاناي وبلىسىنىڭ اكىمى ارحيمەد مۇحامبەتوۆتىڭ توراعالىعىمەن وتكەن سەلەكتورلىق كەڭەستە ءبىلىم باسقارماسىنىڭ باسشىسى ۆاسيلي تسىمباليۋك ءمالىم ەتتى.

باسقارما باسشىسىنىڭ ايتۋىنشا، بيىل وبلىستا 2015 ورىندىق 12 دەمالىس لاگەرى جۇمىس ىستەيتىن بولادى. قازىر بارلىق لاگەرلەر بالالاردى قابىلداۋعا دايىندىق ۇستىندە.

ايماقتا بيىل جازعى دەمالىس ورىندارىنا تۇرمىسى تومەن وتباسىندا تاربيەلەنىپ جاتقان 12 مىڭعا جۋىق بالانى تەگىن جىبەرۋ جوسپارلانعان. بۇل ماقساتتا جەرگىلىكتى بيۋدجەتتەن 74،2 ملن تەڭگە قاراستىرىلىپ وتىر.

- سونىمەن قاتار، ينتەرناتتا جاتقان بالالار وزدەرىنە بۇرىننان بەلگىلەنگەن ساۋىقتىرۋ ورىندارىندا دەمالادى. ماسەلەن، №1 رۋدنىي ارنايى مەكتەپ-ينتەرناتىنىڭ 131 بالاسى باكىروۆ اتىنداعى دەمالىس ورنىندا دەمالادى. ال تاياۋدا عانا قايتا اشىلعان ەرەكشە ءبىلىم بەرۋ قاجەتتىلىگى بار بالالاردى وڭالتۋ ورتالىعى مەن قوستاناي ارنايى مەكتەبىنىڭ 130 وقۋشىسى جازعى دەمالىستارىن «التىنگۇل» لاگەرىندە وتكىزەتىن بولادى.  سونداي-اق، وبلىس ورتالىعىنداعى «جانۇيا» بالالار ءۇيىنىڭ تاربيەلەنۋشىلەرى ءۇشىن قالا سىرتىنداعى لاگەرلەرگە جولدامالار ساتىپ الىنادى. بۇل ماقساتقا وبلىستىق بيۋدجەتتەن 109 ملن تەڭگە قاراستىرىلعان، - دەدى ۆ. تسىمباليۋك.

مۇنىڭ سىرتىندا بيىل ايماقتاعى مەكتەپتەر جانىنان  1 مىڭ 300-گە جۋىق لاگەر اشۋ جوسپارلانعان. مۇندا جالپى سانى 60 مىڭنان استام بالا جازعى ۋاقىتتارىن وتكىزەدى.

ء«بىزدىڭ مىندەتىمىز - تەك جازعى دەمالىستى ۇيىمداستىرۋ عانا ەمەس، سونىمەن قاتار بالالاردىڭ ۇزدىكسىز دامۋىنا جاعداي جاساۋ» - دەگەن  ۆاسيلي تسىمباليۋك جازعى ماۋسىمدا ءتىل الاڭدارى، كوشباسشىلار، وليمپيادالىق رەزەرۆ مەكتەپتەرى جۇمىس ىستەيتىنىن ايتتى.

 

قوستاناي وبلىسى

سوڭعى جاڭالىقتار

ۇقساس جاڭالىقتار