كەشە استانادا قازاقستان كوممۋنيستىك حالىق پارتياسىنىڭ جاڭا رامىزدەرىن تانىستىرۋ ءراسىمى ءوتتى.
كەشە استانادا قازاقستان كوممۋنيستىك حالىق پارتياسىنىڭ جاڭا رامىزدەرىن تانىستىرۋ ءراسىمى ءوتتى.
بۇل ۇيىم مۇشەلەرى ۇستىمىزدەگى جىلعى 1 ماۋسىمدا وتكەن VIII كەزەكتەن تىس سەزىندە پارتيانىڭ نورماتيۆتىك قۇقىقتىق قۇجاتتارىن, جاڭا باعدارلاماسى مەن جاڭا جارعىسىن قابىلداعان بولاتىن. سول وزگەرىستەردىڭ اياسىندا, زامان تالابىنا ساي ىلگەرىلەۋ ماقساتىمەن ولار پارتيا رامىزدەرىن جاڭارتۋدى دا ءجون كورىپتى. تانىستىرۋ بارىسىندا پارلامەنت ءماجىلىسىنىڭ دەپۋتاتى, الەۋمەتتىك-مادەني دامۋ كوميتەتىنىڭ مۇشەسى, كوممۋنيستىك حالىق پارتياسى ورتالىق كوميتەتىنىڭ حاتشىسى جامبىل احمەتبەكوۆ جاڭا رامىزدەردىڭ ءمان-ماعىناسىن ءتۇسىندىرىپ ءوتتى.
مۇندا بەينەلەنگەن بەسبۇرىشتى جۇلدىز پارتيانىڭ ەڭ ناقتى باسىمدىقتارىن بەلگىلەيدى. ول – حالىق بيلىگى, ەڭبەك قۇقىعى, الەۋمەتتىك ادىلەتتىلىك, ساياسي تەڭدىك پەن ينتەرناتسيونالدىلىق», دەدى ول.
«قازاقستان كوممۋنيستىك حالىق پارتياسى» قوعامدىق ءبىرلەستىگى – كوممۋنيستىك يدەيانى قولدايتىن قازاقستان رەسپۋبليكاسى ازاماتتارىنىڭ بىرىككەن ەرىكتى بىرلەستىگى. ول جۇمىسشىلار مەن شارۋالاردىڭ, ينتەلليگەنتسيانىڭ جانە بارلىق ەڭبەك ادامدارىنىڭ مۇددەلەرىن قورعايدى.
ايدار ورىسباەۆ,
«ەگەمەن قازاقستان».
