ەفيرگە ماڭعىستاۋ وبلىسى بويىنشا ەكونوميكالىق تەرگەۋ دەپارتامەنتىنىڭ شتاب باسشىسى حالىمگەرەي كەتەباي مەن جەدەل باسقارما باسشىسىنىڭ ورىنباسارى عابيت ابۋعاليەۆ قاتىسىپ, وبلىس تۇرعىندارىنىڭ ينتەرنەتتە وتكىزىلەتىن زاڭسىز ويىندارعا قاتىستى سۇراقتارىنا جاۋاپ بەردى.
سوڭعى كەزدەرى الەۋمەتتىك جەلىدە وقىرمانى كوپ بلوگەرلەر مەن ارتىستەر لوتەرەيا ويىندارىن ءجيى ۇيىمداستىرىپ, جارنامالايتىنىنا كۋا بولىپ ءجۇرمىز. قىمبات كولىك, قالانىڭ ورتاسىنان بىرنەشە بولمەلى پاتەر, شەتەلگە جولداما ۇتىسقا قويۋ ارقىلى حالىقتى سىيلىقتارمەن قىزىقتىرىپ, بيلەت باعاسىن بىرنەشە مىڭعا باعالاپ, ساتۋ جۇمىستارىن جۇرگىزەدى. الايدا, ماماندار قازىرگى كەزدە لوتەرەيا وتكىزەتىن جالعىز وپەراتور – ء«ساتتى جۇلدىز» اق بار ەكەنىن, لوتەرەيا وتكىزۋ وسى اق تيەسىلى ەكەنىن, ال جەكە تۇلعالار مەن مەكەمەلەردىڭ لوتەرەيا وتكىزۋى زاڭسىز دەپ سانالاتىنىن اتاپ ءوتتى.
- ەگەر زاڭسىز ويىندارعا قاتىسقان جاعدايدا, سالىمدارىن كەرۋ قايتارۋ قيىن, كوپ جاعداي دا مۇمكىن بولمايدى. بۇنداي ويىنداردان اۋلاق بولۋعا شاقىرامىز. قاتىسپاعاندارىڭىز ءجون, دەيدى ماماندار.
ايتا كەتەيىك, ەكونوميكالىق تەرگەۋ دەپارتامەنتىنىڭ ماماندارى ينتەرنەتتە وتكىزىلەتىن زاڭسىز لوتەرەيالارمەن قوسا, كىشىگىرىم كونكۋرستاردى دا قاداعالاۋ كەرەكتىگىن جەتكىزدى. ءاربىر وتكىزىلىپ وتىرعان كونكۋرستىڭ وتكىزۋلى ۋاقىتى مەن ورنى, قالاي جۇرگىزىلەتىنى تۋرالى اقپاراتتار اشىق بولۋى ءتيىس ەكەنىن ايتتى.
